Tuesday , March 18 2025

Piloto ng Saudia Airlines bubusisiin ng MIAA (Hijacking false alarm)

092116-saudia-airlines-naia-miaa
NAKATAKDANG imbestigahan ng Manila International Airport Authority (MIAA) ang piloto ng Saudia Airlines Flight SV 872 mula Jeddah, Saudi Arabia matapos ang dalawang beses na pagkakatanggap ng distress call ng mga awtoridad sa Ninoy Aquino International Airport (NAIA) Terminal 1 kahapon. ( JSY )

ISASALANG sa imbes-tigasyon ng Manila International Airport Authority (MIAA) ang piloto ng Saudia Airlines Flight SV 872 mula Jeddah, Saudi Arabia kasunod nang insidente sa Ninoy Aquino International Airport (NAIA) Terminal 1 kahapon.

Sinabi ni MIAA General Manager Ed Monreal, false alarm ang napaulat na ini-hijack ang eroplano.

Ayon kay Monreal, nagkamali ang piloto ng Flight 872 sa pagpapa-dala ng distress call.

Sinabi ni Monreal, 20 milya bago lumapag sa NAIA ay nagpadala ng distress call ang piloto sa Manila Air Traffic Control.

Dalawang beses na ipinadala ng piloto ang distress call kaya bumuo ng crisis committee ang MIAA.

Inatasan ang Flight 872 na lumapag sa Runway 06 ng NAIA para ma-isolate at agad nag-deploy ng PNP Anti-Hijacking Unit, maging ang Aviation Security Group at emergency vehicles sa paliparan.

Ngunit nang inakyat ang eroplano, sinabi ni Monreal, umamin ang piloto na nagkamali siya sa pagpindot ng distress call.

Dakong 2:30 pm lumapag ang Saudia Airlines sa NAIA ngunit da-lawang oras na pinatigil ang mga pasahero sa loob ng eroplano bago sinimulang pababain.

Sinabi ni Monreal, bagama’t false alarm ang nangyari, ipinatupad pa rin ang protocol at isinailalim sa inspeksiyon ang lahat ng mga bagahe ng mga pasahero.

Ayon sa pasaherong si Engr. Lavi Macabando, naging kalmado sila sa loob ng eroplano sa kabila ng situwasyon, bagama’t isa-isang sinuri ang kanilang passports. Halos 400 ang pasahero ng Flight 872, ang iba ay galing pa sa Hajj pilgrimage sa Saudi Arabia.

Samantala, sa statement ng Saudia Airlines, sinabing nagkamali ang kanilang piloto sa pagbibigay ng signal na may nagaganap na hijacking sa eroplano.

    ( GLORIA GALUNO )

About Gloria Galuno

Check Also

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …

TRABAHO Partylist

TRABAHO Partylist pabor sa mandatory 30% local output para sa PH-made vehicles

IDINEKLARA ng TRABAHO Partylist ang kanilang suporta sa iminungkahing magkaroon ng mandatory 30% local output …

Arrest Shabu

Higit P1.2-M shabu nasamsam, 2 armadong tulak tiklo sa Bulacan

SA KAMPANYA laban sa ilegal na droga at baril, naaresto ng pulisya ang dalawang hinihinalang …

Leave a Reply

Your email address will not be published. Required fields are marked *