Monday , July 15 2024

Imbestigasyon sa ‘drug killings’ sinopla ni Ping

071416 ping lacson
KAPIHAN SA MANILA BAY. Mahigpit na tinutulan ni Senator Panfilo “Ping” Lacson ang sinabi niyang ‘premature’ na pagpapatawag ng imbestigasyon ni Senadora Leila De Lima sa Senado sa aniya’y nagaganap na ‘drug killings’ sa bansa mula nang maupo si Pangulong Rodrigo Duterte. ( BONG SON )

MASYADO pang maaga para magpatawag ng imbestigasyon ang Senado, sa sinasabing ‘drug killings’ na kamakailan ay iminungkahing isulong ni Senadora Leila De Lima.

Ayon kay Senador Panfilo “Ping” Lacson, hilaw o premature ang isinusulong na imbestigasyon ni De Lima dahil walang sapat na datos ukol dito.

Ipinaliwanag ito ni Lacson sa Kapihan sa Manila Bay sa Café Adriatico, Malate, Maynila, kahapon.

“It’s premature for the Senate to talk about summoning the (Chief PNP) and investigating the police for supposed summary killings when, as it appear at least for the moment, it’s merely based on conjectures and suspicions and without sufficient basis,” punto ng senador.

“Unless there’s at least a testimony under oath that summary executions were indeed committed in the course of the police anti-drug operations, I’m afraid we will just embark on a fishing expedition,” dagdag ng Senador.

Binigyang-pansin ni Lacson ang pahayag ni Solicitor General Jose Calida na maaaring balewalain ng pulisya ang congressional inquiries ukol sa drug killings.

“I think it’s even more premature for Solgen to advise the CPNP (chief PNP) to ignore the Senate’s summons if and when such investigation in aid of legislation is conducted. Wala pa ‘yung actual na pinag-uusapan, pinag-aawayan na,” aniya.

Una rito, sinabi ni De Lima na mayroong ‘telltale signs’ o mga senyales na may ilang suspek na inaresto ng mga awtoridad na biktima ng summary execution.

“Nakadududa ‘yung explanation na nanlaban, nang-agaw…” ani De Lima.

Binalewala ni De Lima ang sinasabi ng Solicitor General na kailangan maghain muna ng reklamo para magsagawa ang Senado ng investigation in aid of legislation.

Magugunitang, pagkatapos manalo sa eleksiyon ni Pangulong Rodrigo Duterte, agad nagsagawa ng operasyon ang iba’t ibang yunit ng pulisya laban sa ilegal na droga.

Kinompirma ng pulisya na umabot na sa 110 suspek ang napapaslang simula nang manungkulan si Duterte nitong Hulyo 1.

( TRACY CABRERA )

About Tracy Cabrera

Check Also

Marcoleta Miru

Miru Systems’ 18 Billion Peso Contract for Philippine Elections Sparks Major Concerns

Manila, Philippines — On July 9, 2024, Hon. Rodante D. Marcoleta, Party List – SAGIP, …

knife saksak

 ‘Iska’ hinoldap, sinaksak sa UP Diliman

SUGATAN ang isang iskolar ng bayan (ISKA) nang pagsasaksakin ng isa sa tatlong holdaper nang …

071024 Hataw Frontpage

Walang kooperasyon
DPWH SINISI NI CHIZ SA ISYU NG NEW SENATE BUILDING

ni Niño Aclan TAHASANG sinabini Senate President Francis Jospeh “Chiz” Escudero na ang kawalan ng …

Modern Beetle Car Boys Dead

Mag-utol na totoy natagpuang patay sa moderno ngunit abandonadong beetle

PATAY nang matagpuan sa loob ng abandonadong beetle ang magkapatid na batang lalaki na huling …

shabu drug arrest

P.27-M halaga ng shabu kompiskado, most wanted, manunugal, arestado

NAGSAGAWA ng serye ng pinaigting na operasyon ang pulisya sa Bulacan na nagresulta sa pagkakakompiska …

Leave a Reply

Your email address will not be published. Required fields are marked *