Friday , March 29 2024
Lalaking walang face mask nakipagbugbugan sa simbahan

Lalaking walang face mask nakipagbugbugan sa simbahan

Kinalap ni Tracy Cabrera                                      

LAKEWOOD, WASHINGTON — Isang video mula sa isang church service sa Washington state ang nag-viral makaraang humantong sa bugbugan  ang  sapilitang pagpapaalis sa isang lalaking walang suot na face mask na pumasok subalit hiniling ng pari na lumisan dahil sa paglabag sa polisiya ng pagsusuot ng proteksyon mula sa coronavirus.

Makikita sa video si Father Paul Brunet na tumigil sa pagbabasa ng liturhiya para himukin ang isang lalaking nakaluhod sa harapan: “You are in trespass,” wika ng pari.

Nang hindi sumunod ang lalaki, sinabihan  ni Fr. Brunet ang ibang naroroon sa simbahan ng Saint Frances Cabrini Parish sa Lakewood, Washington na “tawagin ang mga security guard.”

Dangan  nga lang ay tumindig ang lalaki at lumapit sa pulpit at nagsabi: “Keep your hands off me.” Una rito ay sinabihan na rin ang lalaki na huwag mag-trespass sa simbahan dahil nilalabag niya ang batas sa Washington at gayun din ng Lakewood na kailangang magsuot ng face mask kapag na sa loob  ng isang gusali.

Subalit nagpumilit ang lalaki na hindi umano siya “trespassing.”

“Can somebody please call 911?” hiling ni Fr. Brunet s a may 20 dumalo sa simbahan at pakiusapan  ang lalaki na lumisan na. Hinatak ng ilan ang lalaki at ditto na nagkagulo.

Ayon sa Lakewood Police Department, nagan ap ang insidente bandsang katanghalian at isang tagapagsalita ang nagtestigo na “gumawa ng kaguluhan” ang lalaki.

“The church began having problems with a parishioner whose son attended school there. He began acting irrationally and creating disturbances,” punto ni Lieutenant Chris Lawler.

“At the request of the church, we served the male a criminal trespass notice … the male returned to the church and created another disturbance,” dagdag nito.

Kalaunan ay inaresto ang lalaki at kinasuhan ng first-degree criminal trespass subalit pinakawalan din matapos na magbayand ng kanyang piyansa.

About Tracy Cabrera

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …