Friday , January 21 2022
Zhang Zhan China

Malalayang mamamahayag naglalaho sa China — RSF

JOHANNESBURG, SOUTH AFRICA — Ayon kay Human Rights Watch (HRW) China programme director Sophie Richardson, kailangang panagutin ang mga Chinese authority na responsable sa arbitrary detention, torture o ill-treatment at pagkamatay ng mga taong nasa kanilang kustodiya na biktima ng mga krimen laban sa sangkatauhan at paglabag ng human rights.

Kasunod ito sa paghatol kay citizen journalist Zhang Zhan ng apat na taong pagkakabilanggo dahil sa mga akusasyon ng “picking quarrels and provoking trouble” sa pag-post niya ng mga video sa YouTube ukol sa (coronavirus) pandemic.”

Naglakbay si Zhang sa Wuhan noong Pebrero ng nakaraang taon at ginawan ng recorded na pag-aaral at pagsusuri ang CoVid-19 pandemic at gayondin ang pagresponde ng mga lokal na awtoridad dito sa kanyang Smartphone.

Tatlong buwan makalipas noong Mayo, dinakip ang dalaga ng mga awtoridad sa Beijing at noong Disyembre, hinatulang siyang makulong.

Nitong nakaraang buwan, sumama na rin ang United Nations (UN) sa maraming mga organisasyon sa buong mundo na humihiling sa paglaya ng 38-anyos mamamahayag.

Pinangangambahan ng pamilya ni Zhang na maaaring agaw-buhay na ang dalaga sa pagbagsak ng kanyang kalusugan sanhi ng mga hunger strike na kanyang ginawa habang nakadetine.

Nag-tweet ang kanyang kapatid na lalaki: “She is so stubborn. I think she may not live long. If she doesn’t make it through the cold winter, I hope the world will remember her as she was.”

Isa si Zhang sa mahigit 10 press freedom defender na kasalukuyang nakakulong sa China, batay sa huling ulat ng Reporters sans Frontières o Reporters Without Borders (RSF).

Idinagdag ng grupo, kapag hindi pinalaya sa nalalapit na panahon, mahaharap ang mga mamamahayag sa kamatayan.

“We are of course calling on the Chinese regime to release them immediately. But, in the longer run, our fear is that if this continues in China, there will not be a single free journalist left in China because the system of information will be so rigged,” wika ni East Asia Bureau head ng RSF na si Cédric Alviani. (Kinalap ni TRACY CABRERA)

About Tracy Cabrera

Check Also

DOH Kalinga Kit

CoVid-19 home care kit suportado ni Bong Go

SUPORTADO ni Senador Christopher Lawrence “Bong” Go, Chairman ng Senate Committee on Health ang hakbangin …

P2.26-B NGP fund gamitin sa trabaho ng mga sinalanta ng bagyong Odette

“ANG bultong pondong P2.26 bilyon para sa reforestation ay dapat mapunta sa mga lugar na …

Presyo ng swab tests pahirap sa mahirap

“ANG presyo ng CoVid-19 swab test ay hindi nakaukit sa bato, at ang mga panuntunan …

Sa maigting na anti-illegal gambling ops
55 SUGAROL NASAKOTE NG QCPD

UMABOT sa 55 katao ang naaresto ng mga awtoridad sa patuloy na anti-illegal gambling operations …

Gun Fire

Bagger binaril

KRITIKAL ang kalagayan sa pagamutan ng isang bagger makaraang barilin ng hindi kilalang suspek habang …