Saturday , June 15 2024

‘Summary eviction’ sa mga residente sa tabing dagat – Duterte

122721 Hataw Frontpage

ni ROSE NOVENARIO

POSIBLENG hindi na makabalik sa kanilang mga tahanan ang mga residenteng apektado ng bagyong Odette.

Gusto ni Pangulong Rodrigo Duterte ang summary eviction o paalisin ang mga residente sa mga delikadong lugar lalo sa tabing dagat.

Nais niyang ipatupad ito ng mga lokal na opisyal matapos  bisitahin ang mga sinalanta ng bagyo.

Hindi na aniya kailangan hintayin pa ang desisyon ng korte dahil hangad lang niya na maprotektahan ang mga mamamayan.

“Summary eviction. Hindi na maghintay ng korte-korte, maniwala ka riyan sa korte. Basta may mag-enter diyan — about intervention, usually ‘yung mga writ of injunction ganoon — e ‘di sabihin lang natin, ‘You know, judge, this is what the government wants: to protect its citizens,’” anang Pangulo sa command conference sa Cebu.

Ang pahayag ng Pangulo ay kasunod ng ulat ni Department of Interior and Local Government (DILG) Secretary Eduardo Año na mahigpit na ipatutupad ng kagawaran at ng Department of Human Settlements and Urban Development (DHSUD) ang batas na nagbabawal magtayo ng tirahan 40 metro mula sa tabing dagat.

“And then nag-usap po kami ni Secretary Del Rosario, ‘yun pong batas na dapat 40 meters easement from the shoreline, wala po talagang dapat nakatira riyan. Lesson natin ‘yan sa Yolanda. We will strictly implement po together with the court na 40 meters easement from the shoreline dapat wala pong nakatira para wala nang ma — madidisgrasya and we will work DHSUD and NHA. Ang iba po riyan may bahay na talaga, ginawa ng NHA, ayaw nilang lumipat. So we have to implement that, Mr. President,” ani Año.

Sa ulat kahapon ng National Disaster Risk Reduction and Management Council (NDRRMC) ay umabot sa 378 katao ang namatay, 748 ang sugatan at 60 ang nawawala.

Habang nasa P20 bilyon  ang naging pinsala sa agrikultura at impraestraktura at halos kalahating milyong bahay ang nasira.

Tiniyak ng Pangulo na lahat ng government assets ay gagamitin upang maghatid ng tulong sa mga biktima ng bagyo.

About Rose Novenario

Check Also

Elma Muros-Posadas TOPS PATAFA

Elma Muros-Posadas pinuna ang ‘bata-bata’ system sa PATAFA

HINILING ni athletics icon Elma Muros-Posadas sa pamunuan ng Philippine Amateur Track and Field Association …

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

TMFF The Manila Film Festival 2024

Tabing ng TMFF ‘24 ibinaba na pelikulang “Three for 100” kinilalang Best Film

PORMAL nang ibinaba ang tabing ng “The Manila Film Festival 2024” noong Martes ng gabi …