3 patay 96 sugatan kay Nona sa N. Samar

NAKAPAGTALA ng tatlong patay at 96 sugatan sa pananalasa ng bagyong ‘Nona’ sa Northern Samar

Iniulat ni Jonathan Baldo, municipal disaster officer ng Catarman, sa tatlong namatay sa kanilang bayan, ang isa ay dahil sa hypothermia o matinding lamig, habang ang dalawang iba pa ay nalunod sa baha.

Una rito, tiniyak ni DSWD Sec. Dinky Soliman, sinisikap nilang maiparating ang relief goods sa mga nangangailangan ng tulong sa lalawigan.

Ayon kay Soliman mula pa kamakalawa ng gabi ay gumagawa na ng paraan ang DPWH at AFP para ma-clear ang mga kalsada patungong Catarman, ang sentro ng lalawigan ng Hilagang Samar.