P3.002-T 2016 nat’l budget ratipikado na sa Senado

NIRATIPIKAHAN na ng Senado ang Bicameral Conference Committee report kaugnay ng panukalang P3.002 trillion 2016 national budget.

Sa isinumiteng report ng Senate Finance Committee na pinamumunuan ni Sen. Loren Legarda sa plenaryo nitong Lunes ng hapon, wala nang tumutol sa 14 senador na present sa session dahilan upang agad maratipikahan ang General Appropriations Act (GAA).

Ang Department of Education ang may pinakamalaking pondo na may P412 bilyon o 22 percent, mas mataas kaysa P321 bilyon pondo nitong 2015.

Sa oras na maratipikahan sa Kamara at maisumite sa Malacañang, pirma ni Pangulong Noynoy Aquino na lang ang kulang upang tuluyang maging batas ang 2016 General Appropriations Act.