Monday , August 8 2022

Sarili kinoryente ng MCJ inmate, patay

“Ka-lugar ang sarap magpasko sa laya. Gusto ko nang lumaya.”

Ito ang sinasabing inihayag ni Gregorio Trinidad, 38-anyos bading na inmate sa Manila City Jail, sa ilang kasamang preso bago nagpakamatay sa pamamagitan ng paghawak sa live wire sa loob ng kanyang kubol dakong 10 p.m. kamakalawa.

Ayon sa report na isinumite sa Manila Police District-Homicide Section ni JP3 Jose Rodzon, unang inakala ni Sonny Tazarte, mayores sa Culturero Selda 1 ng MCJ, na natutulog lamang ang biktima nang hanapin dahil kulang ng isa ang pinangangasiwaan niyang preso.

Sa puntong ito, nakita niya ang walang malay na biktima habang nakaupo sa loob ng kanyang kubol.

Isinugod ang biktima sa Jose Reyes Memorial Medical Center ngunit idineklarang dead on arrival ng mga doktor.

Nabatid sa imbestigasyong nakarating kay Jail Supt. Clint Russel Tangeres, si Trinidad ay may kasong paglabag sa R.A. 9165, Section 11 dahil sa pag-iingat ng shabu, at kasalukuyang nililitis sa korte.

Ilang kasama sa kulungan ng biktima ang nakakakita na malimit na nagsasalitang mag-isa si Trinidad kaya hinihinalang naburyong sa loob ng piitan.

Huling nakitang buhay ang biktima nang dalawin ng kanyang ina bago isinagawa ang pagkoryente sa kanyang sarili.

About Leonard Basilio

Check Also

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …

Bustos Dam

Bustos Dam nagpakawala ng labis na tubig

DAHIL sa walang tigil na pag-ulan, nagpakawala ng 226 cubic meters ng tubig kada segundo …

Leave a Reply