Tuesday , April 23 2024
supreme court sc

Hukom sinibak ng Supreme Court (10 akusado sa hazing idinismis)

SINIBAK ng Supreme Court ang isang hukom, na nagdismis sa hazing case laban sa 10 akusado, kaugnay sa pagkamatay ng law student ng San Beda College na si Marc Andrei Marcos.

Sa botong 12-0, pinatawan ng Supreme Court En Banc ng dismissal si Judge Perla Cabrera-Faller makaraan mapatunayang guilty sa kasong “gross ignorance of the law” at paglabag sa ilang probisyon ng Canon 3 ng Code of Judicial Conduct.

Nag-ugat ang kasong administratibo laban kay Faller sa kasong kriminal na inihain ng piskalya kaugnay ng pagkamatay ni Marcos sa initiation rites ng Lex Leonum Fraternitas noong 29 Hulyo  2012.

Noong 3 Hunyo 2013, nagpalabas si Faller ng warrant of arrest laban sa sampung akusado, ngunit sa kapareho ring petsa ay iniutos ang pag-archive sa kaso kaya hindi naaresto ang mga akusado.

Noong 15 Agosto 2013, nagpalabas muli ng resolusyon si Faller, nag-uutos nang pagbawi sa arrest warrant laban sa lahat ng mga akusado, at iniutos din ang pagbasura sa kaso.

Bunsod nito, naghain ang lolo ni Marc Andrei na si Retired Judge Martonino Marcos, ng kasong admi-nistratibo laban kay Faller.

Sa desisyon ng Korte Suprema, si Faller ay nagpakita ng kawalan nang sapat na kaalaman sa “rules of procedure” nang kanyang iutos ang aga-rang pag-archive sa kaso kahit hindi pa lumalagpas ang anim na buwan para sa pagsusumite ng ulat ng mga awtoridad na malabong maaresto ang mga akusado.

Ayon sa Korte Suprema, kung hindi maituturing na “gross ignorance of the law” ang pag-archive ni Fal-ler sa kaso, ito ay pagpapakita na siya ay may kinikilingan.

Maituturing anila na “grave abuse of authori-ty” ang pagbawi ni Fal-ler sa arrest warrant, na aniya ay kanyang ipina-labas nang hindi sinasadya at ang utos na pagbasura sa kaso.

Bukod sa pagsibak sa puwesto, iniutos din ng Korte Suprema ang pagbawi sa retirement benefit at leave credit ni Faller, at hindi na siya maaaring maglingkod sa alin mang tanggapan ng gobyerno.

(LEONARD BASILIO)

About Leonard Basilio

Check Also

drugs pot session arrest

4 arestado sa pot-session sa Valenzuela

SWAK sa kulungan ang apat katao matapos mahuli sa akto ng mga pulis na sumisinghot …

arrest prison

Sigang tambay, kulong

‘IBINALIBAG’ sa selda ang 22-anyos tambay makaraang pumalag at ‘magpamalas ng kabangisan’ nang ireklamo ng …

Win Gatchalian

Mas maigting na pakikilahok ng LGUs sa edukasyon isinusulong ni Gatchalian

MULING isinulong ni Senador Win Gatchalian na paigtingin ang pakikilahok ng local government units (LGUs) …

Namatay sa baha sa Dubai
LUBOS NA TULONG MARAPAT IGAWAD SA TATLONG OFWs

KASUNOD ng pagpapaabot ng taos-pusong  pakikiramay sa pagkamatay ng tatlong overseas Filipino workers (OFWs) sa …

Paco Catholic School Fire Sunog

Pagkatapos ng P15-M sunog sa palengke
PACO CATHOLIC SCHOOL NO FACE-TO-FACE CLASSES

INIANUNSIYO ng Paco Catholic School (PCS) ang suspensiyon ng face-to-face classes simula bukas, Martes, 23 …

Leave a Reply

Your email address will not be published. Required fields are marked *