Wednesday , May 29 2024

Titser kritikal 3 estudyante naospitaL (Asoge tumapon sa MaSci lab)

ABALA ang mga guro at mga kagawad ng National Disaster Risk Reduction Management office (NDRRMO) ng Manila City hall, sa paglilinis sa Manila Science High School makaraan ang mercury spill sa science laboratory, isang guro at tatlong estudyante ang dinala sa ospital makaraan ang insidente. (BONG SON)
ABALA ang mga guro at mga kagawad ng National Disaster Risk Reduction Management office (NDRRMO) ng Manila City hall, sa paglilinis sa Manila Science High School makaraan ang mercury spill sa science laboratory, isang guro at tatlong estudyante ang dinala sa ospital makaraan ang insidente. (BONG SON)

SINUSPENDI ng lokal na pamahalaan ng Maynila, ang klase sa Manila Science High School sa Taft Avenue simula nitong Huwebes, dahil sa pagkakatapon ng nakalalasong kemikal na mercury sa isang silid-aralan.

Natapon ang mercury nang matabig ang pinaglalagyan nito habang nililinis ng dalawang estudyante at dalawang guro ang stockroom ng isang science laboratory noong 11 Marso, ayon kay Manila City Health Office chief, Dr. Benjamin Yson.

Agad na-isolate ng mga bombero ang mercury na kanilang inilagay sa isang selyadong basurahan.

Ngunit ani Yson, nitong Martes lang nalaman ng Manila government ang insidente nang magkasakit ang gurong nakatapon sa mercury, at maalarma ang Department of Health (DoH) sa mataas na level ng kemikal sa katawan nito.

Ang DoH pa aniya ang nag-ulat ng insidente sa health office ng lungsod.

Tiniyak ni Yson, walang dapat ikabahala kahit kahapon lang sinuspendi ang klase sa eskwelahan, dahil agad naisara ang laboratory na pinangyarihan ng insidente, at hindi na-expose sa kemikal ang mga mag-aaral.

Napag-alaman, tatlo pang estudyante ang dinala sa ospital makaraan ang insidente.

Wala pang gustong magsalita mula sa pamunuan ng Manila Science High School hinggil sa insidente.

Hindi pa matiyak kung hanggang kailan tatagal ang suspensiyon ng klase lalo’t lumabas sa inisyal na pagsusuri ng DoH, mataas ang “reading” ng mercury o dami ng kemikal na natapon.

Nasa 3,758 nanograms per cubic meter (ng/m3) ang reading ng DoH, gayong ang borderline ay 200 ng/m3. Ang labis na “exposure” sa mercury ay nakamamatay.

Isang pribadong grupo na kinontrata ng Department of Environment and Natural Resources (DENR) ang maglilinis ng mercury spill.

Bumuo na ng inter-agency task force and DoH, DENR, Manila Health Office, Disaster Risk Reduction and Ma-nagement Office kaugnay ng insidente.

(LEONARD BASILIO)

About Leonard Basilio

Check Also

SSS, Bocaue LGU lumagda sa MOA para sa social security coverage ng JO workers

SSS, Bocaue LGU lumagda sa MOA para sa social security coverage ng JO workers

IPINAHAYAG ng Social Security System (SSS) na mahigit 800 job order (JO) na manggagawa sa …

Sa Bulacan 3 TULAK, 1 PUGANTE NASAKOTE NG PNP

Sa Bulacan  
3 TULAK, 1 PUGANTE NASAKOTE NG PNP

Arestado ng Bulacan PNP ang tatlong nangangalakal ng droga at isang pugante sa isinagawang anti-crime …

Quezon Provincial Police Office Lucena

8 intel officer arestado sa palpak na drug raid

CAMP VICENTE LIM, LAGUNA — Walong intelligence officer ang inaresto ng kanilang mga kasamahan sa …

shabu drug arrest

 6 tulak ng droga, timbog sa buybust

BAGSAK sa kulungan ang anim na hinihinalang drug personalities matapos malambat ng pulisya sa magkakahiwalay …

Arrest Caloocan

Wanted sa kasong Murder
MISTER HOYO SA KANKALOO

ARESTADO ang isang mister na wanted sa kaso ng pagpatay sa isinagawang manhunt operation sa …

Leave a Reply

Your email address will not be published. Required fields are marked *