Duterte naghain na ng CoC

PERSONAL nang inihain ni Davao City Mayor Rodrigo Duterte ang kanyang certificate of candidacy (CoC) sa Commission on Elections (Comelec) central office sa Intramuros, Maynila para tumakbo bilang pangulo sa 2016 elections.

Magkasamang dumating sa Comelec office si Duterte at ang kanyang ka-tandem na si Sen. Alan Peter Cayetano.

Pinalitan ni Duterte ang kandidatura nang umatras na kandidato ng PDP-Laban na si Martin Diño.

Bagama’t hindi pa nakapagdesisyon ang Comelec kung tatanggapin nito ang substitution ni Duterte kay Diño.

Ngunit ayon sa alkalde, hindi niya ikinababahala ang kinakaharap na disqualification case na inihain ni Ruben Castor sa pagsasabing “maganda kung ma-disqualify, ngunit kung matuloy ang kandidatura ay mabuti.”

Inamin ng alkalde na sila ang nagpa-survey upang malaman kung siya ay may posibilidad na manalo, ngunit kung may questions sa resulta na kanyang pinangungunahan ay ilagay na lang siya sa No. 5.