This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang 32-anyos lalaking scavenger makaraan barilin sa ulo ng hindi nakilalang suspek habang kumakain Korean hot noodles kasalo ang kanyang pamilya sa isang bangketa sa Tondo, Maynila kamakalawa.
Agad binawian ng buhay ang biktimang si Danilo Jandusay, miyembro ng Commando gang, residente ng Gate 10, Pier 2, Area B, Parola Compound, Tondo.
Inaalam ng pulisya ang pagkakakilanan ng suspek na mabilis na tumakas makaraan ang insidente.
Ayon kay SPO2 Jonathan Bautista ng Manila Police District Homicide Section, dakong 2:30 kamakalawa nang maganap ang insidente sa nabanggit na lugar.
Kumakain ang biktima kasalo ang pamilya nang biglang sumulpot ang suspek at siya ay binaril sa ulo.
Inaalam pa ng mga awtoridad kung ano ang motibo sa insidente.
Leonard Basilio, may kasamang ulat nina Rhea Fe Pasumbal, Anne Marielle Eugenio, Beatriz Pereña, at Angelica Ballesteros
