Saturday , December 3 2022

2-3 pang quake drill kailangan  – MMDA

NANINIWALA ang Metropolitan Manila Development Authority (MMDA) na dalawa hanggang tatlong drill pa ang kailangan para mahasa ang publiko sa paghahanda sakaling tumama ang malakas na lindol.

Ito’y kasunod ng metrowide earthquake drill na pinangunahan ng ahensiya nitong Huwebes, na kanilang idineklarang matagumpay.

Layon ng pagsasanay na maihanda ang publiko kaugnay ng babala ng PHIVOLCS ukol sa malakas na pagyanig sakaling gumalaw ang West Valley Fault.

Pinangangambahang mahigit 30,000 ang posibleng mamatay habang lagpas 110,000 ang masasaktan dito.

Sinabi ni MMDA Chairman Francis Tolentino, mas malawak ang saklaw ng susunod na shake drill at isasama na ang Gitnang Luzon at CALABARZON.

Partikular na tinukoy ng opisyal na dapat maghanda ang mga lugar na malapit sa 90-kilometrong fault system tulad ng Bulacan, Sta. Rosa, Calamba at Biñan sa Laguna; at Carmona, Cavite.

Kailangan din aniyang makibahagi sa mga susunod na pagsasanay ang foreign diplomats, batang-lansangan at persons with disabilities pati na ang mga nakatira sa mga home for the aged at high-rise condominium.

Isasama rin sa mga susunod na drill ang pag-antabay sa magiging epekto ng lindol sa La Mesa Dam at posibleng tsunami sa Manila Bay.

Ibinida rin ni Tolentino ang pagtutok ng buong mundo sa Metro Manila Shake drill sa pamamagitan ng social media na nag-trending worldwide at humakot ng 2.1 bilyon na likes.

Ipinakita aniya rito ng mga Filipino na, “Tayo’y naghahanda rin, na tayo’y may kakayahan din ihanda ang ating sarili sa ano mang kalamidad at hindi lang tayo umaasa sa humanitarian international relief.”   

About jsy publishing

Check Also

Arrest Posas Handcuff

Rank No. 10 MWP
WANTED SA ROBBERY, NASAKOTE SA KANKALOO

BAGSAK sa kulungan ang isang miyembro ng “Limos Carnapping Group” na nasa talaan bilang rank …

shabu drug arrest

P.1M shabu
2 BEBOT, TULAK, HULI SA DRUG BUST

TATLONG hinihinalang drug personalities, kabilang ang dalawang ginang ang kalaboso matapos makuhaan ng mahigit P.1 …

Sibuyas Onions

Magsasaka dehado sa planong  importasyon ng sibuyas — Imee

MAGIGING malungkot ang Pasko ng mga magsisibuyas sa walong lalawigan kung itutuloy ng gobyerno ang …

PHil pinas China

Joint exploration sa WPS, ituloy – Marcos Jr.

KAILANGANG makahanap ng paraan ang Filipinas para matuloy ang paggalugad sa West Philippine Sea (WPS) …

NTF-ELCAC

Pondo ng NTF-ELCAC ilipat sa serbisyo publiko — Makabayan

NANAWAGAN ang grupo ng Makabayan sa Mababang Kapulungan ng Kongreso na tapyasan ang P10 milyong …

Leave a Reply