Magulo ang utak ni Duterte

HINDI na talaga dapat paniwalaan pa si Davao City Mayor Rodrigo Duterte. Lamalabas kasi na parang niloloko na lang ng grupo ni Duterte ang taumbayan.

Hindi maintindihan ang takbo ng utak, at pabago-bago sa kanyang plano kung tatakbo ba siya o hindi bilang pangulo sa darating na halalan.

Parang babae si Duterte.  Akala ko ba barako siya?  Nakapipikon na, para kasing ginagago na niya ang publiko sa gulo ng kanyang mga deklarasyon.  Kung pinal na talagang hindi siya tatakbo sa pagkapangulo, itigil na niya ang pagpapa-interview sa media.

Patigilin na rin niya ang kanyang mga handler sa walang saysay  na propaganda, at kung hindi naman siya susundin, e, ‘di  isa-isahin niyang i-salvage.

Unahin niya sina Lito Banayo at Raymond  na sinasabing nagpapatakbo ng media ni Duterte.

Sobrang kulit na ang dating ni Duterte.  Pati ‘yung sinasabing Million People’s Call na gagawin sa Luneta ay napakagulo rin.

Unang sinabi na gagawin daw sa September 15 pero binago at ginawang September 19 at ngayon naman, gagawin na sa September 26.

Ito ba ang klase ng taong gagawin nating pangulo ng Filipinas?  Magulo ang utak ni Duterte at hindi dapat patulan ang kanyang mga sinasabi.