Saturday , December 3 2022
PRC Physician Doctor Medicine

Mula sa PhiSci – Western Visayas Campus <br> UPCM INTARMED magna cum laude nanguna sa Oct 2022 PLE

NANGUNA ang isang Ilonggo sa Physician Licensure Examination (PLE) na ibinigay ng Professional Regulation Commission (PRC) nitong Oktubre.

Sa markang 89%, pinangunahan ni Justin Adriel Zent Gautier Togonon mula sa lungsod ng Iloilo ang listahan ng mga bagong doktor na nakapasa sa pagsusulit.

Si Togonon ay nagtapos na magna cum laude sa UP Manila’s Integrated Liberal Arts in Medicine (INTARMED) program.

Ang INTARMED ay isang programa sa unibersidad na hindi daraan sa regular na kolehiyo 0 pre-med courses, sa halip ay magsisimula agad ng medical studies sa ilalim ng seven-year curriculum.

Samantala, panglima rin sa talaan ng mga pumasa sa PLE ang isa pang Ilonggong si Mark Arlo Hernandez Segundo na may markang 87.58%.

Nagtapos si Togonon sa Philippine Science High School – Western Visayas Campus bilang valedictorian, at ng elementarya sa Children’s Integrated School of Alta Tierra, parehong sa naturang lungsod.

Si Segundo ay nagtapos sa College of Medicine ng West Visayas State University (WVSU), sa lungsod din ng Iloilo.

Pangwalo ang WVSU sa top performing schools sa pagsusulit na nakakuha ng 85% passing percentage o 99 ang pumasa mula sa 111 na kumuha ng licensure test.

         Ang iba pang kasama sa PLE Topnotchers ay sina 2nd Francesca Marie Abu Lagrosa (88.75 %) UPCM; 3rd  Karla Joyce Saavedra Badong (88 %) Pamantasan ng Lungsod ng Maynila (PLM); 4th Kim Zapatos Sia (87.67 %) University of Sto. Tomas (UST); 5th Gamaliel Pulpulaan Galigao (87.58 %) University of the East – Ramon Magsaysay Memorial Medical Center (UE-RMMMC); at Mark Arlo Hernandez Segundo (87.58 %) West Visayas State University – La Paz; 6th Christian Joseph Barrion Cruzado (87.50 %) Far Eastern University – Nicanor Reyes Memorial Medical Foundation (FEU-NRMMF) at Sonny Cabahug Redula (87.50 %) Cebu Institute of Medicine; 7th Neill Steven Cainglet Cachuela (87.42 %) UST, at Trisha Marie Ramos Galapon (87.42 %) UPMC; 8th Anna Patricia Añonuevo Bartolome (87.25 %) Our Lady of Fatima University (OLFU) Valenzuela, Christopher Tabora Pilarta (87.25 %) UPMC, Randy Franz Gubantes Selim (87.25 %) St. Luke’s Medical Center College of Medicine – William H. Quasa Memorial Inc., at Keith Alexis Kim Wangkay (87.25 %) UE-RMMMC; 9th Christian Jerell Salvacion Cosme (87.17 %) UST; 10th David Marco Abaya Bildan (87.08 %) UE-RMMMC, Mark Johnuel Matabilas Duavis (87.08 %) University of Cebu College of Medicine Foundation Inc., – Mandaue, Christine Bernadette Orfano Lo (87.08 %) UPMC, at Hannah Leian Herrera Tan (87.08 %) Davao Medical School Foundation.

Ayon sa PRC 3,826 ang nakapasa sa 5,958 kabuuang bilang ng mga kumuha ng PLE na ibinigay ng Board of Medicine sa Maynila, Baguio, Cagayan de Oro, Cebu, Davao, Iloilo, Koronadal, Legazpi, Lucena, Pampanga, Rosales, Tacloban, Tuguegarao, at Zamboanga.

Itinala ang Angeles University Foundation bilang top performing school matapos pumasa ang lahat ng 51

PLE takers.

Kabilang sa Board of Medicine na nagbigay ng licensure examination ay sina Dr. Godofreda V. Dalmacion, chairman; at mga miyembrong sina Dr. Eleanor B. Almoro, Dr. Zenaida L. Antonio, Dr. Martha O. Nucum, Dr. Efren C. Laxamana, at Dr. Joanna V. Remo.

About hataw tabloid

Check Also

Arrest Posas Handcuff

Rank No. 10 MWP
WANTED SA ROBBERY, NASAKOTE SA KANKALOO

BAGSAK sa kulungan ang isang miyembro ng “Limos Carnapping Group” na nasa talaan bilang rank …

shabu drug arrest

P.1M shabu
2 BEBOT, TULAK, HULI SA DRUG BUST

TATLONG hinihinalang drug personalities, kabilang ang dalawang ginang ang kalaboso matapos makuhaan ng mahigit P.1 …

Sibuyas Onions

Magsasaka dehado sa planong  importasyon ng sibuyas — Imee

MAGIGING malungkot ang Pasko ng mga magsisibuyas sa walong lalawigan kung itutuloy ng gobyerno ang …

PHil pinas China

Joint exploration sa WPS, ituloy – Marcos Jr.

KAILANGANG makahanap ng paraan ang Filipinas para matuloy ang paggalugad sa West Philippine Sea (WPS) …

NTF-ELCAC

Pondo ng NTF-ELCAC ilipat sa serbisyo publiko — Makabayan

NANAWAGAN ang grupo ng Makabayan sa Mababang Kapulungan ng Kongreso na tapyasan ang P10 milyong …