Tuesday , March 19 2024
shabu drug arrest

Tulak na 2 kelot at bebot tiklo sa drug buy bust

TATLONG tulak ng ipinagbabawal na droga ang arestado, kabilang ang isang babae matapos masakote sa isinagawang buy bust operation ng pulisya sa Malabon City, kahapon ng madaling araw.

Kinilala ni Malabon City police chief, Col. Albert Barot ang mga suspek na sina Jovel De Leon, 29 anyos, Redelin Gatbonton, alyas Len-Len, 43 anyos, kapwa ng Malabon City, at Mark Edwin Macauba, 19 anyos ng Caloocan City.

Ayon kay P/MSgt. Randy Billedo, dakong 2:00 am nang magsagawa ang mga operatiba ng Station Drug Enforcement Unit (SDEU) ng buy bust operation, matapos matanggap ang impormasyon hinggil sa sinabing pagtutulak ng shabu ni De Leon, sa ilalim ng pangangasiwa ni P/Lt. Alexander Dela Cruz, sa Kadima St., Brgy. Tonsuya.

Nang tanggapin ang P300-marked money mula sa isang pulis na nagsilbing poseur-buyer kapalit ng isang sachet ng shabu, agad sinunggaban ng mga operatiba si De Leon at ang kanyang kasabwat na si Gatbonton.

Dinakip din ng mga operatiba si Macauba na nakuhaan ng droga kasabay ng pagkakakompiska sa mga suspek ng 10 pirasong heat-sealed transparent plastic sachets na naglalaman ng aabot sa dalawang gramo ng shabu, nasa P13,600 ang halaga, coin purse, at buy bust money.

Nahaharap ang mga suspek sa kasong paglabag sa RA 9165 o ang Comprehensive Dangerous Drugs act of 2002. (ROMMEL SALES)

About Rommel Sales

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …