Wednesday , July 24 2024
Navotas
Navotas

300 plus trainees nagtapos sa tech-voc skills sa Navotas

UMANI ang Navotas ng mahigit 347 skilled workers na nagsipagtapos sa Navotas Vocational Training and Assessment (NAVOTAAS) Institute.

Sa nasabing bilang, 20 ang nakakompleto at nakatanggap ng national certification (NC) I para sa Automotive Servicing, habang 43 ang pumasa sa NC II assessment para sa Barista; 40 ang Bread and Pastry Production, at 18 ang Food and Beverage Services.

Nasa 21 trainees ang nakatapos ng Electrical Installation and Maintenance; 13 Pagbibihis; 14 Massage Therapy; 52 Shielded Metal Arc Welding NC II; at 29, Housekeeping NC II.

Tatlumpo’t dalawang trainees din ang nakatapos ng Japanese Language and Culture, habang 65 trainees ang nakatapos ng Korean Language and Culture.

Sa kanyang mensahe, ibinahagi ni Mayor John Rey Tiangco sa mga nagsipagtapos ang mga sikreto ng tagumpay.

“Aside from continuous learning and constant upgrading of your skills and knowledge, you have to possess the right attitude to build good working relationships,” sabi ni Tiangco.

“Practice strong work ethic.  Always persevere to be the best version of yourself and find ways to be of more value to the industry or institution you are working for and the clients you serve,” dagdag niya.

Pinaalalahanan din ni Tiangco ang mga nagsipagtapos na sakaling magpasya silang ipagpatuloy ang kanilang pagsasanay, malugod silang mag-enrol sa iba pang kursong teknikal-bokasyonal na iniaalok ng NAVOTAAS Institute.

Hinikayat niya ang mga trainees na mag-avail ng Tulong Puhunan at Tulong Negosyo programs ng lungsod kung nais nilang ituloy ang pagnenegosyo.

Ang Navotas ay kasalukuyang mayroong tatlong training center na nag-aalok ng libreng teknikal at vocational na kurso sa mga Navoteño. Ang mga hindi residente, sa kabilang banda, ay maaari rin mag-enroll nang may bayad.

Ang aktibidad ay isinagawa kasabay ng pagdiriwang ng ika-17 anibersaryo ng pagiging lungsod ng Navotas. (ROMMEL SALES)

About Rommel Sales

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …