Wednesday , July 17 2024
Alexis Castro Bulacan

POGO bawal sa Bulacan

NAGHAIN ng mungkahi ang ika-11 Sangguniang Panlalawigan ng Lalawigan ng Bulacan sa pangunguna ni Vice Gov. Alexis Castro ng ordinansa na hindi pahihintulutan ang operasyon ng Philippine Offshore Gaming Operations (POGO) sa loob ng hurisdiksiyon ng lalawigan sa pagdinig ng komite nito na ginanap sa Benigno Aquino Session Hall, sa lungsod ng Malolos, nitong nakaraang Miyerkoles, 3 Hulyo 2024.

Ginawa ng lehislatura ang hakbang kasunod ng mga ulat ng paglaganap ng POGO operations na nagdulot ng iba’t ibang isyu sa lipunan, ekonomiya, at seguridad sa buong bansa.

“Talagang naniniwala ang pamahalaang panlalawigan ng Bulacan na ang masamang epekto ng mga operasyon ng POGO ay nahihigitan ang kanilang mga benepisyong pang-ekonomiya at maaaring magpalala ng mga umiiral na sakit sa lipunan habang nagdudulot ng banta sa pangkalahatang katatagan ng ekonomiya ng bansa,” bahagi ng draft na ordinansa.

Ayon kay Castro, nagsiwalat kamakailan sa joint operations ng Criminal Investigation and Detection Group (CIDG) at Presidential Anti-Organized Crime Commission (PAOCC) sa mga kalapit na probinsiya ng Pampanga at Tarlac na sa loob ng matataas na gusali at malalawak na ari-arian ay may iba’t ibang krimen kabilang na ang paggamit ng ilegal na droga, prostitusyon, at online scamming.

Ilang manipestasyon na nagmumula sa magkabilang panig, bilang pagsuporta at pagsalungat sa panukalang ordinansa, ang inihatid sa pagdinig ng komite kabilang si San Rafael Mayor Cholo Violago; Bulacan PPO Provincial Director P/Col. Relly Arnedo; Malolos City Councilor Emmanuel Sacay; Association of Barangay Chairman – Angat Chapter Capt. Alexander Tigas; at iba pa.

Kinilala ng bise gobernador ang mga manipestasyon at tiniyak na ang lahat ay tatalakayin sa susunod na committee of the whole hearings.

Noong 26 Hunyo, inilabas ni Gob. Daniel Fernando ang Executive Order No. 19, Series of 2024 na nag-uutos sa mahigpit na pagsubaybay sa mga POGO sa lalawigan.

Alinsunod sa EO, ang lahat ng local chief executives sa lalawigan ay inaasahang mag-imbentaryo ng lahat ng operasyon ng POGO sa loob ng kani-kanilang hurisdiksiyon; subaybayan kung ang mga naturang operasyon ng POGO ay may naaangkop na mga lisensiya at pag-aproba ng gobyerno; at magsagawa ng naaangkop na mga inspeksiyon sa regulasyon ng mga POGO. (MICKA BAUTISTA)

About Micka Bautista

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …