Thursday , July 25 2024
Bulacan

P5.3-M mula sa Bulacan DRRM Fund, ipinagkaloob sa mga magsasaka at mangingisdang apektado ng El Niño

NATANGGAP ng 1,039 magsasaka ng palay sa bayan ng San Miguel at 30 mangingisda sa Obando ang tig-P5,000 tulong pinansiyal mula sa pamahalaang panlalawigan ng Bulacan.

Ayon kay Provincial Agriculture Office (PAO) Head Gloria Carillo, ito ay bahagi ng mga tulong na ipinagkakaloob ng Kapitolyo sa mga magsasaka at mangingisda na pinakanaapektohan ng nakalipas na tagtuyot o El Niño.

Nagmula ang pondo mula sa P5.3-milyong bahagi ng Local Disaster Risk Reduction and Management (LDRRM) fund ng Kapitolyo.

Base sa tala ng PAO, aabot sa 1,835 hektarya ng lupang sakahan ng palay sa San Miguel ang pinakalabis na naapektohan ng El Niño na pinakamalaking sakahan ng Palay sa Bulacan.

Ipinaliwanag ni Gob. Fernando na minarapat ng pamahalaang panlalawigan na iprayoridad na matulungan ng lokal na DRRM Fund nito ang mga magsasaka at mangingisda, dahil nakasalalay dito ang kanilang kabuhayan at ang seguridad sa pagkain ng mga Bulakenyo.

Para kay Alberto Sacdalan, isa sa mga magsasakang taga-San Miguel na nagsasaka sa 1.2 hektaryang palayan, magandang panimula ang halagang P5,000 upang makabawing muli sa ani at kita.

Nasa 50 kaban lamang aniya ang naani na palay sa isang hektarya na sadyang mababa kompara sa 100 hanggang 120 kaban kapag walang El Niño.

Ilalaan aniya ang natanggap na tulong pinansiyal na pambili ng binhi na sa kanyang pagtataya, mangangailangan siya ng inisyal na tatlong sako ng binhi na may bigat na 40 kilo at bawat isang sako nito ay nagkakahalaga ng P1,600.

Nangako ang Gobernador na magpapadala ang pamahalaang panlalawigan ng mga organic fertilizers sa nasabing mga benepisaryo upang matiyak na matuloy ang pagtatanim ng ikalawang cropping.

Sinabi ni Carillo, inaasahan nang magsisimula ang Department of Agriculture (DA) na magsuri sa Bulacan kung sino-sino ang mga naapektohan ng El Niño na dapat pang pagkalooban ng tulong, bukod sa ibinigay ng pamahalaang panlalawigan.

Kaugnay nito, bukod sa tig-P5,000 tulong pinansiyal, pinabaunan sila ng Department of Social Welfare and Development (DSWD) ng mga family food packs.

Tiniyak ni DSWD-DRRM Division Team Leader Ferdinand Monares, handa ang ahensiya na dagdagan ang nasabing food packs kung kinakailangan base sa rekomendasyon ng Provincial Social Welfare and Development Office (PSWDO). 

Samantala, nagpahayag ng kahandaan si Provincial Disaster Risk Reduction and Management Office (PDRRMO) Head Manuel Lukban na patuloy na susuporta at aagapay ang tanggapang ito ng pamahalaang panlalawigan, sa mga magsasaka at mangingisda sa panahon ng kalamidad, pagbangon mula rito at maging sa climate change resilient. (MICKA BAUTISTA) 

About Micka Bautista

Check Also

Bong Revilla Jr Denver Chua Jolo Revilla Cavite

200 + pamilyang biktima ng sunog sa Cavite City dinalaw ni Senator Bong

DINALAW ni Senator Ramon “Bong”Revilla, Jr., ang mahigit sa 200 pamilyang nasunugan sa Brgy. 5 …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Carina ulan baha

Klase suspendido sa Metro Manila at Cavite Province

SUSPENDIDO ang klase sa ilang paaralan sa Metro Manila at lalawigan ng Cavite dahil sa …

072324 Hataw Frontpage

POGO ‘TODAS’ KAY BONGBONG

“EFFECTIVE today all POGOs are banned.”                Inihayag ito ni Pangulong Ferdinand R. Marcos, Jr., …

Cruise Visa Waiver DOT DOJ Immigration

PH target maging tourist hub of Asia  
CRUISE VISA WAIVER INILUNSAD NG BI DOT, DOJ NAKIISA

PARA higit na palakasin ang turismo sa bansa, inilunsad ng Bureau of Immigration (BI) ang …