Friday , July 19 2024
NHCP Malolos Bulacan

NHCP at Malolos City Tourism, isinusulong sinaunang paraan ng paglalakbay sa makasaysayang pook

Isinusulong ng pamahalaang lungsod ng Malolos, Bulacan sa pamamagitan ng City of Malolos Arts, Culture, Tourism and Sports Office (CMACTO) at ng National Historical Commission of the Philippines (NHCP), ang isang tourism package na lilibot sa mga makasaysayang pook sa Malolos gamit ang mga sinaunang sistema ng transportasyon.

Ayon kay Jose Roly Marcelino, focal at project coordinator ng CMACTO, patuloy na inieksperimento, sinusubukan, at ikinokonsidera ng pamahalaang lungsod ang iba’t ibang pamamaraan upang ganap na mapalakas ang atraksiyon ng Malolos sa mga turista.

Sa nakalipas na mga panahon, sinubukan ang paggamit ng karuwaheng hinahatak ng kabayo noong 2011, mga dyip na karatig simula 2015; at electric tricycle mula sa Department of Energy (DOE) noong 2019, sa pagpasyal sa Malolos.

Tampok ngayong 2024 ang paggamit sa 1950s Heritage Bus ng Victory Liner sa pagdadala ng mga turista sa mga pangunahing makasaysayang lugar sa Malolos gaya ng simbahan ng Barasoain, Katedral-Basilika ng Malolos, Casa Real de Malolos at ang simbahan ng Sta. Isabel, na pawang nagkaroon ng malaking papel sa pagkakatatag ng Unang Republika ng Pilipinas.

Kabilang ang naturang heritage bus sa iilang mga orihinal na modelo ng nasabing kompanya ng bus na isinailalim kamakailan sa restorasyon.

Ipinaliwanag ni Marcelino na ang bagong partnership na ito ay pagsuporta ng pamahalaang lungsod sa “Experience the Philippines” Program ng Department of Tourism (DOT).

Sa loob ng konseptong ito, hindi lamang ipinapasyal ang mga turista kundi ipaparanas ang paraan ng transportasyon na minsang umiral sa isang lugar.

Sinasalamin aniya ng heritage bus ang pagiging payak na pamumuhay noon at determinasyon ng henerasyon noong dekada 50 sa paghahanapbuhay.

Kaugnay nito, sinabi ni NHCP Senior Curator Jose Ruel Paguiligan na akmang-akma ang ginawang restorasyon sa bus na minsang nadaan sa bahaging ito ng Malolos noong panahon na wala pa ang North Diversion Road, kilala ngayon bilang North Luzon Expressway (NLEX).

Taong 1950s nang bumiyahe ang ganitong modelo ng Victory Liner na biyaheng Olongapo-Caloocan na dumaraan sa kahabaan ng McArthur Highway.

Mula sa pagiging isang truck na nagdedeliber ng mga paninda sa Divisoria, sinimulang makisakay ng mga tao kaya tuluyan nang naging bus na limitado lamang noong makalipas ang Ikalawang Digmaang Pandaigdig.

Samantala, planong muling gamitin ang heritage bus na ito sa susunod na Fiesta Republika sa Enero 2025. (MICKA BAUTISTA)

About Micka Bautista

Check Also

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …

071824 Hataw Frontpage

Sa ‘tungki ng ilong’ ng gov’t hospital  
UTAK NG ‘KIDNEY FOR SALE’ ITINANGGING HEAD NURSE PERO EMPLEYADO NG NKTI

ni ALMAR DANGUILAN INAMIN ng National Kidney Transplant Institute (NKTI) na kanilang empleyado sa loob …

From Heart to Hand, Celebrating with Purpose and a Mission

From Heart to Hand, Celebrating with Purpose and a Mission

In a heartfelt act of compassion and generosity, Ms. Anna Donita S. Tapay transformed her …

Meet the mascots, SOLIDO and SCIGLAT

Meet the mascots, SOLIDO and SCIGLAT!

SOLIDO stands firm with the HANDA Pilipinas theme on Climate and Disaster resilience. It represents …

Bridging the Language Barries Translation Workshop ng Translation & Interpretation Division (BTA-BARMM), Matagumpay

Bridging the Language Barries: Translation Workshop ng Translation & Interpretation Division (BTA-BARMM), Matagumpay!

Matagumpay ang Bridging the Language Barries: Translation Workshop ng Translation & Interpretation Division (BTA-BARMM) na …