Friday , March 29 2024
Ryza Cenon Rooftop

Ryza Cenon, itituturing na isang ultimate barkada horror movie ang Rooftop

ALAM MO NA!
ni Nonie Nicasio

“ITONG horror movie na Rooftop, parang isang ultimate barkada horror movie, ganoon siyang klaseng horror film,” ito ang ipinahayag ni Ryza Cenon.

Si Ryza ang isa sa bida sa naturang pelikula na palabas na ngayon sa Vivamax. Mula sa Viva Films at directed by Yam Laranas, tampok din dito sina Marco Gumabao, Rhen Escaño, Marco Gallo, Ella Cruz, Andrew muhlach, at Epy Quizon.

Nabanggit din ni Ryza na masaya siyang makatrabaho ang casts ng Rooftop.

Aniya, “Sobrang natutuwa ako na sila ‘yung mga nakatrabaho ko, kasi talagang swak na swak ‘yung mga characters nila roon sa personality nila… hindi nga lang ako masyadon nakikipag-bond sa kanila, dahil mahirap ‘yung character ko.

“First time ko kasi na ako ‘yung natatakot, kasi ‘yung last na ginawa ko, ako ‘yung nananakot – doon sa Manananggal (Ang Manananggal sa Unit 23B). So, bilang ako ang pinaka-leader ng group, kailangan mas mag-focus ako para mai-deliver namin nang tama ‘yung story.”

Kumusta iyong experience na gumawa ng horror film, mas madali ba o mas mahirap gawin?

Esplika ni Ryza, “Iyon ‘yung pinakamahirap, na i-convince mo ‘yung mga tao na natatakot sila or nararamdaman nila na nararamdaman mo ‘yung takot. Na i-convince sila na natatakot din sila, na nakare-relate sila…

“Ang pinakamahirap talaga ay ‘yung comedy and horror. Kasi, kailangan mo talagang i-convince ‘yung viewers mo kung ano ‘yung gusto mong ipakita. Like, kailangan nilang matawa sa ginagawa mo or kailangan nilang matakot sa nakikita sa iyo or ginagawa mong acting.

“So, kapag naramdaman nila iyon, ibig sabihin ay good job ka, kasi ay na-apply mo siya,” lahad ng aktres.

Normal na maging pasaway at mag-break ng rules kapag kasama ang barkada. Sabi nga nila YOLO: You Only Live Once. Pero minsan, kapag nasobrahan, ang barkada rin ang magpapahamak sa ‘yo dahil sa mga mali at makasariling desisyon. Abangan kung paanong ang isang prank ay magdadala sa kanila sa panganib at bangungot na babago sa mga buhay nila.

ROOFTOP, ang pinakabagong horror-thriller, na unang ipinalabas sa Asian Horror Festival ng SM Cinema.

Habang naka-summer break, magse-set-up ng secret party sa rooftop ng kanilang campus ang barkada nina Ellie (Ryza), Lance (Marco), Wave (Ella), Martin (Marco), Jessica (Rhen), at Chris (Andrew).

Iimbitahin din nila rito si Paul (Epy), kapwa estudyante pero outsider sa kanilang grupo at part-time janitor sa school. Dahil walang mapagdiskitahan, naisip ng grupo na i-prank si Paul, na pagmumulan pala ng isang aksidente. Matutulak nila si Paul mula sa rooftop at mamamatay ito.

Imbes umamin at managot sa nangyari, tatakasan ng magkakaibigan ang trahedya at pagtatakpan ang isa’t isa. Mangangako rin silang walang sinuman ang dapat makaalam sa nangyari sa rooftop. Pero magiging mapaglaro ang pagkakataon dahil gagambalain at guguluhin sila ng kaluluwa ni Paul at pagbabayarin sa mga naging kasalanan.

Maitama pa kaya nila ang pagkakamali? Or is it too late?

Isang nakakikilabot na experience ang naghihintay sa buong barkada, imbitado kayong lahat na magpunta sa ROOFTOP, streaming exclusively sa Vivamax.

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …