HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAKITA namin ang FB post ni Richard Quan ukol saTV series na “A Secret in Prague” na pinagbibidahan nina Andrea Brillantes at Enrique Gil. Kaya inusisa namin ang mahusay na aktor kung kasali na rin ba siya sa cast nito.
Tugon sa amin ni Richard, “Guesting lang iyong sa Prague… sa Sigabo ako cast.”
Natanong namin si Richard kung nagkaeksena ba sila rito ni Direk Ruben Maria Soriquez, dahil marami rin silang pinagsamahang project?
“Off cam ‘yung scenes namin, pero nagkita kami sa set,” matipid na tugon pa ng aktor.
Nakita rin namin sa kanyang Facebook account na may project siya kay direk Nijel de Mesa na siyang top honcho ng NDM Plus, tungkol saan ito?
Aniya, “Iyong kay direk Nijel, ang title nito ay ROB the Firipins. Isa itong dark comedy, about sa tatlong magkakaibigan na napunta sa ‘what if sinakop tayo ng mga hapon mula 1940s up to now’. Interesting siya, maikokompara mo sa ‘Pinas ngayon – tina-tackle rito ‘yung disiplina, corruption, etc, etc… In a way na light and comedy.”
First project ba niya ito kay direk Nijel at ano ang masasabi niya sa prolific na director at sa kanilang movie?
“Yes first project, pero last year pa namin plano to work together.
“Sobrang fun ‘yung Japan shoot… Mabilis magtrabaho si direk Nijel… Baka mayroon ulit kaming gawin. And dark comedy kasi siya, kaya exciting para sa akin iyong project na mayroong isang character na pagdaraanan ‘yung mga social issues na mayroon tayo ngayon.”
Pagpapatuloy pa ni Richard, “Sina Robert Seña at Anthony Ocampo ang co-actors ko sa movie, plus mga actors ni Direk Nijel sa Japan. Pero mayroon pang shoot here sa ‘Pinas, mga one to two days pa.”
