Thursday , March 23 2023

Genuine history ituro sa paaralan – Briones

060122 Hataw Frontpage

HINIMOK ni Education Secretary Leonor Briones ang susunod na administrasyon na tiyaking maituturo nang wasto ang kasaysayan at mga aral nito sa mga paaralan.

“Hindi ako napapagod na ulit-ulitin na [mag] catch up tayo sa nangyayari sa mundo, ano nangyayari sa pinakabago, pinaka-exciting na development pero huwag natin kalimutan, kailangan itanim natin sa isip natin ‘yung ating kasaysayan, ‘yung hirap na dinanas din natin bilang isang bansa, ‘yung ating mga bayani,” sabi ni Briones sa panayam matapos ang Duterte Legacy Summit sa Philippine International Convention Center (PICC) sa Pasay City kahapon.

Ito aniya ang pagkakaiba ng tao sa mga robot o makina.

“That makes us distinct from perhaps robots or machines,” dagdag ni Briones.

Si Briones ay isa sa mga naging biktima ng martial law na ipinatupad ng diktador na si Ferdinand Marcos, Sr.

Bukod sa pagpapatuloy ng programa sa edukasyon ng administrasyong Duterte, hinikayat din ni Briones ang incoming Marcos administration na siguruhing magkaroon ng libre at de-kalidad na edukasyon ang mga kabataang Pinoy.

“We are looking forward na magpatuloy ang mandato ng Konstitusyon natin sa Filipinas na each Filipino child has the right to quality education… Sana hindi natin sila ma-deprive nitong karapatan nila sa education,” mahalagang bilin ni Briones.

Si Vice President-elect Sara Duterte ang papalit kay Briones bilang kalihim ng DepEd.

Matatandaang umalma si Briones sa pagbaluktot sa kasaysayan ni noo’y Communications Assistant Secretary Mocha Uson na fake news ang EDSA People Power 1 Revolution na nagpabagsak sa rehimeng Marcos noong 1986. 

“I was there when the EDSA Revolution happened. It’s a national and global event that was a turning point in our country’s history. An opinion poll will not change the fact that EDSA Revolution happened and it is recorded in our country’s history,” sabi ni Briones sa isang tweet.

Noong Pebreo 2022, inihayag ng grupo ng fact-checkers na si Marcos Jr., ang nakikinabang sa mga kumakalalat na kasinungaligan o ‘falsehoods’ sa 2022 presidential elections campaign. (ROSE NOVENARIO)

About Rose Novenario

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …