Saturday , May 28 2022

Protesta umarangkada
BOYKOT, WALKOUT IKAKASA VS MARCOS, JR.

051122 Hataw Frontpage

IKINAKASA ng iba’t ibang organisasyon ng mga estudyante sa pinakamalalaking unibersidad sa bansa para pigilan ang posibleng pagdedeklara sa anak ng diktador Ferdinand Marcos, Jr., bilang ika-17 Pangulo ng Filipinas.

Kabilang sa nanawagan ang student council ng Ateneo de Manila University, De La Salle University of Manila, Far Eastern University, at Polytecnic University of the Philippines.

Kombinsido sila na nagkaroon ng sistematiko at malawakang dayaan sa katatapos na halalan bunsod ng pagpalya ng libo-libong vote counting machine (VCM), SD cards at iba pang naging aberya noong Lunes.

“Tapat tayong lumahok sa eleksiyon. Ngunit, pandaraya at paglabag sa batas ang sagot ng administrasyon. Hindi tayo papayag na pamunuan tayo ng mga magnanakaw at mamamatay-tao,” pahayag ng UP Office of the Student Regent, ang pinakamataas na representasyon ng mga estudyante sa board of regents ng University of the Philippines (UP).

Dumagsa ang may 2,000 estudyante sa indignation rally sa harap ng punong tanggapan ng Commission on Elections (Comelec) at nagmartsa hanggang Liwasang Bonifacio kahapon ng umaga bilang pagkondena sa dayaan sa eleksiyon, at sa pagnanalik ng tambalang Marcos-Duterte sa kapangyarihan.

Mananatili sila sa Liwasang Bonifacio hanggang ilabas ng poll body ang pinal at opisyal na resulta ng halalan.

“Sa panahon na lantaran ang kabi-kabilang anomalya sa halalan, hindi natin hahayaan na maluklok ang isang anak ng diktador at siyang sinungaling at magnanakaw,” ayon sa FEU Central Student Organization.

Para kay Kontra Daya convenor Danilo Arao, ang katatapos na eleksiyon ang pinakamasahol, pinakabulok at pinakagarapal ang dayaan. (ROSE NOVENARIO)

About Rose Novenario

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …