Tuesday , May 24 2022
Comelec Smartmatic F2 Logistics

Comelec, Smartmatic, F2 Logistics dapat managot sa talamak na kapalpakan ng VCM

DAPAT managot ang Commission on Elections (COMELEC), Smartmatic, at F2 Logistics sa mga naganap na kapalpakan sa halalan kahapon kasama ang malawakang pagkasira ng vote counting machines (VCM), at voter disenfranchisement o mga botanteng nawalan ng karapatang bumoto.

Nakasaad ito sa report ng election watchdog Kontra Daya kaugnay sa katatapos na national at local elections.

Anang grupo, sa kabila ng daan-daang milyong pisong ginasta para ayusin ang 96,981 sa 97,315 VCMs, lalong tumataas ang kaso ng pagkasira ng VCM tuwing eleksiyon.

Sa kabila umano ng kinasangkutang mga kontrobersiya ng Smartmatic mula nang naging bahagi ng halalan sa bansa noong 2010 ay iginawad pa rin sa kanila ang P637-milyong kontrata para i-refurbish ang VCMs.

Giit ng Kontra Daya, sa naranasang abala sa mahabang pila at paghihintay dulot ng pagkasira ng VCMs kaya nawalan ng karapatang bumoto ang mga botante.

“Despite earlier pronouncements that there are supposedly 2,000 VCMs on standby, there were reports that defective machines had not been not replaced. Now, the Comelec is stating that this election year is the VCM’s ‘last dance’ as the quality and efficiency of the machines have deteriorate,” sabi ng Kontra Daya.

Pinuna ng Kontra Daya, sa nakalipas na tatlong halalan ay mas kaunti ang naka-standby na VCMs na umabot sa 2,000 kahapon kompara noong 2019 na 7,000.

“Despite repeated calls from Kontra Daya and other concerned groups and individuals, Comelec has not extended voting hours.”

Mariing kinondena ng Kontra Daya ang kapalpakan ng COMELEC, Smartmatic, at logistics service provider na F2 Logistic ni Duterte crony Dennis Uy upang matiyak ang  isang “smooth, transparent and credible automated election system.”

“The people are right in expressing indignation over this dire development.” (ROSE NOVENARIO)

About Rose Novenario

Check Also

Arrest Posas Handcuff

Sa Caloocan City
P55-M SHABU TIMBOG SA BIG TIME TULAK

ISANG hinihinalang tulak ng ilegal na droga ang arestado matapos makuhaan ng mahigit P55 milyong …

Marawi

462 units ng pabahay ipinamahagi sa Marawi

PORMAL nang naipamahagi ang 462 permanenteng bahay sa mga benepisaryong nawalan ng tirahan noong 2017 …

MMDA, NCR, Metro Manila

Pumping station sa Metro handa sa tag-ulan — MMDA

KINOMPIRMA ng Metropolitan Manila Development Authority (MMDA) na operational at nasa maayos na working conditions …

shabu drug arrest

P.4-M kompiskado sa nasakoteng 6 drug pushers

TINATAYANG 60 gramo ng hinihinalang shabu na nagkakahalaga ng P408,000 ang nakompiska sa anim na …

shabu

P3-M droga tiklo, 8 tulak arestado

AABOT sa mahigit sa P3 milyon (P3,808,000) halaga ng hinihinalang ilegal na droga (shabu) ang …