Friday , March 29 2024
Rose Lin

Mainit na eleksiyon at private army ni Rose Lin kinastigo

NANGANGAMBA ang Koalisyong Novaleño sa umiinit na laban ng mga kandidato sa District 5 ng Quezon City.

Ito’y matapos silang mag-file ng 290 counts ng kasong Vote Buying sa Commission on Elections (Comelec) na sinabi ng kampo ni Rose Lin na ‘fake news’ at ‘pakana’ ng kanyang mga kalaban.

“Kami po ay nababahala sa mga aksiyon ni Rose Lin. Bukod sa malawakang vote buying, meron siyang private army na nakapaligid sa kanya kapag nag-iikot sa kanyang kampanya. Naaalarma ang mga taga-Novaliches kasi ngayon lang nangyari ang ganito, kandidatong may private army!

Anang mga Novaleño, “hindi bababa sa walong armado ang nakapaligid kay Rose Lin palagi at sila ay galing umano sa Isabela. Ang alam namin dalawa lang ang allowed na escort ayon sa batas.

“Bakit kailangan niya ng private army e mapayapa dito at maayos ang mga Novaleño? May kaaway ba siya? May pinagtataguan ba siya? Bakit tila takot siyang lumabas mag-isa sa Novaliches?” ani Ted Lazaro, isa sa mga convenor ng Koalisyong Novaleño.

Nagbabala si Pangulong Rodrigo Duterte sa mga politiko na sumunod sa patakaran ng Comelec at sa  tinatawag na “Alunan Doctrine” na dalawa lamang ang dapat na bodyguard sa kampanya bawat kandidato.

Sinabi ni Duterte, paglampas ito sa itintakdang dalawang, private army na eto at “ipaaaresto ko ang kandidato at mga armadong kasama nito.”

Sinabi ng Pangulo, hihigpitan ang pagpapatupad nito upang maiwasan ang karahasan.

Nanawagan ang Koalisyong Novaleño Kontra Koropsiyon ng Novaliches sa Malacañang, DILG, PNP, at Comelec para maigting na ipatupad ang anunsiyo ni Presidente Duterte patungkol sa private army ni Rose Lin.

Kinuwestiyon din nila kung bakit kailangan ni Rose Lin ang ganoon karaming armadong kasama, gayong peaceful and orderly ang mga eleksiyon sa Novaliches ng nakaraang mga taon.

Dagdag ni Lazaro nakadokumento ang mga armadong tao at isusumite nila ito sa Comelec.

Sinabi ni Commissioner George Garcia, handang magsampa ng kaso ang Comelec mismo laban sa mga kandidato kung makikitang lumalabag sa mga batas pang-eleksiyon.

Nagpaikot ang Comelec ng mga ahente nito sa District 5 ng Quezon City upang imbestigahan ang mga reklamo laban kay Rose Lin.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …