Saturday , May 28 2022

Para sa mga kaalyadong kandidato
PTV-4 GAMIT NI DUTERTE SA KAMPANYA

041122 Hataw Frontpage

ni Rose Novenario

MISMONG si Pangulong Rodrigo Duterte ang sumuway sa sariling direktiba na huwag mangampanya para sa mga kandidato sa 2022 national elections.

Isinahimpapawid ng magkasunod na gabi, Sabado at Linggo, sa state-run People’s Television Network Inc. (PTNI) programang The President’s Chatroom na nagsilbing anchor si Pangulong Duterte na nag-interview sa kanyang mga ineendosong senatorial candidates.

Sa unang episode ng programa, panauhin ni Pangulong Duterte ang senatorial bets na sina dating Presidential Anti-Corruption Commission (PACC) chairman Greco Belgica at House Deputy Speaker Rodante Marcoleta.

Kagabi nama’y sina senatorial candidates Robin Padilla at Harry Roque ang nakapanayam ni Duterte.

Ang ginawang pangangampanya ni Duterte para sa kanyang mga manok ay taliwas sa kanyang pahayag noong 5 Abril 2022 na inutusan niya ang mga miyembro ng kanyang gabinete na huwag mangampanya para sa mga kandidato.

“The government, at least the Armed Forces pati ang P — police, pati kami sa gobyerno, we are not allowed to campaign. Well, of course, iyong mga Cabinet members, they can. But just to make things equal, sinabi ko noong past two elections, mga Cabinet members, sabi ko lalo na ngayong paalis na tayo, huwag na tayong mag-campaign-campaign ng kandidato. We’ll just make the most out of the remaining days to wind up and sit back to tingnan natin ‘yung ating nagawa para sa bayan,” ayon sa Pangulo sa kanyang Talk to the People Address.

Ayaw umano ng Pangulo na maparatangang ginagamit niya ang resources ng gobyerno para isulong ang kandidatura ng kanyang mga kaalyado.

Ngunit sa The President’s Chatroom, ginamit niya ang pasilidad ng PTNI at ang airtime ng state-run television network na nagkakahalaga ng halos kalahating milyong piso ang isang season o  16 na episodes.

About Rose Novenario

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …