Saturday , May 28 2022
arrest prison

P.8-M shabu sa Kankaloo
LIDER NG “JAMAL CRIMINAL GANG,” 2 PA KALABOSO

SWAK sa kulungan ang dalawang drug suspects, kabilang ang lider ng “Jamal Criminal Gang” matapos makuhaan ng mahigit P.8 milyon halaga ng shabu sa magkahiwalay na drug operations ng pulisya sa Caloocan City.

Sa ulat ni District Drug Enforcement Unit (DDEU) chief P/Lt. Col. Renato Castillo kay Northern Police District (NPD) Director P/BGen. Jose Santiago Hidalgo, Jr., nakatanggap ang mga operatiba ng DDEU ng impormasyon mula sa kanilang impormante na nagbebenta ng shabu si Muamar Abiden, 31 anyos, at isang high value individual (HVI) sa talaan ng mga awtoridad.

Dakong 6:30 pm, nang isagawa ng mga operatiba ng DDEU sa pangunguna ni P/SMSgt. Michael Tagubilin ang buy bust operation sa bahay ni Abiden sa Palon St., Brgy. 69, na nagresulta sa pagkakaaresto sa suspek matapos bentahan ng P7,500 halaga ng shabu ang isang police poseur buyer.

Nakompiska sa suspek ang tinatayang 100 gramo ng hinihinalang shabu, may standard drug price na P680,000, marked money na isang P500 bill at pitong pirasong P1,000 boodle money at pouch.

Sa Brgy., 176, Bagong Silang, nirespondehan ng mga operatiba ng Caloocan Police Intelligence Section sa pangunguna nina P/Maj. Rengie Deimos at P/Maj. John David Chua sa ilalim ng pangangasiwa ni P/Col. Samuel Mina, Jr., ang natanggap na impormasyon mula sa Barangay Information Network (BIN) na nagbebenta ng shabu ang lider ng “Jamal Criminal Gang” na si Jamaloden Assirong, alyas Jamal, 28 anyos, sa Phase 1, Package 1, Block 15, Lot 3.

Pagdating sa lugar, dakong 3:20 am, naaktohan ng mga pulis ang suspek na may inaabot na hinihinalang shabu sa isang lalaki na nakasuot ng surgical mask ngunit nang mapansin sila ay mabilis na nagpulasan ang dalawa kaya hinabol ng mga operatiba hanggang makorner si Jamal ngunit nakatakas ang isa.

Nakuha kay Jamal ang isang transparent plastic sachet na naglalaman ng tinatayang 20 gramo ng hinihinalang shabu, may standard drug price na P136,000 at P510.00 cash.

Nahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. (ROMMEL SALES)

About Rommel Sales

Check Also

Gun Fire

Helper malubha sa pamamaril

KRITIKAL ang kalagayan sa pagamutan ng isang 21-anyos na helper matapos barilin ng isa sa …

arrest prison

Mangingisdang wanted, nalambat

HIMAS-REHAS ang isang mangingisda na wanted matapos masakote ng mga awtoridad sa isinagawang manhunt operation …

dead gun

2 retiradong parak nagduwelo 1 patay, binatilyo sugatan

Napatay ang isang retiradong pulis ng kanyang kapitbahay habang sugatan ang isang 15-anyos na binatilyo …

dead gun police

Sa Ilagan, Isabela
ASAWA NG HUKOM TINAMBANGAN NG RIDING-IN-TANDEM, PATAY

Binawian ng buhay ang asawa ng isang hukom ng Regional Trial Court sa bayan ng …

CoVid-19 vaccine

Huling COVID patient sa Bulacan nakauwi na

Matapos ang dalawang taon na paggamot at pag-aalaga sa mga pasyenteng may COVID-19, nakalabas na …