Friday , January 28 2022

2021 annual budget ng probinsiya
9 BOKAL NG QUEZON MAY AMBANG PLUNDER VS GOV. SUAREZ, et al

MAGHAHARAP ng kasong plunder o pandarambong ang siyam na miyembro ng Sangguniang Panlalawigan ng Quezon laban sa mga opisyal ng pamahalaang panlalawigan sakaling ituloy ang pagpapalabas at paggamit sa 2021 Annual Budget ng probinsiya.

Ayon sa siyam na miyembro ng Sanggunian sa pangunguna ni Majority Leader Bokal Sonny Ubana, gagawin nila ang pagsasampa ng kaso sa hukuman laban kina Gov. Danilo Suarez at mga department heads ng kapitolyo sa oras na gamitin ang annual budget kahit hindi pa nareresolba sa hukuman ang usapin hinggil dito.

Matatandaan, ang panukalang 2021 Annual Budget ay hindi inaprobahan ng mga bumubuo ng Majority Bloc ng panlalawigang konseho dahil anila’y depektibo at kuwestiyonable.

Gayonman, kamakailan lamang ay inaprobahan din ito ng apat na Bokal na bumubuo ng Minority Bloc sa isang special session makaraang ang walong Bokal ay patawan ng suspensiyon ng Office of the President sa pamamagitan ng Department of the Interior and Local Government (DILG).

Bilang reaksiyon, ang mga nasuspendeng Bokal ay nagharap ng petisyon sa husgado dahil sa anila’y ilegal na pagdaraos ng dalawang special session ng apat na Bokal at ng Vice Governor at ilegal na pag-aproba sa annual budget para sa 2021 at 2022.

Sa kabila nito, pinaninindigan ng gobernador na legal ang ginawa ng mga kaalyado niya sa konseho. Agad din siyang nag-anunsiyo sa publiko na itutuloy niya ang paggamit sa pondo at nangako sa mga kinauukulan na kanila itong mapapakinabangan sa lalong madaling panahon.

“Nasa pagpapasya ni Gov. Suarez kung itutuloy niya ang paggamit sa annual budget kahit nagsampa na kami ng petisyon sa mga hukuman upang linawin ang legalidad nito. Kung itutuloy niya, kami ng walo kong kasamahang Bokal sa Majority Bloc ay magsasampa ng kasong plunder laban sa kanya at sa kanyang mga department heads na susunod sa mga iuutos niya para ma-release at magamit ang budget,” wika ni Bokal Ubana.

Matatandaan, bukod sa anak ng gobernador na si dating Gov. Jayjay Suarez, ilang department heads sa kapitloyo ang nahaharap din sa mabibigat na kaso.

“Hindi namin gustong madamay sa mga kaso ang mga department heads ng kapitolyo ngunit kailangan namin gawin ang tama upang protektahan ang pondo ng lalawigan,” wika ni Ubana.

        Sa huling ulat, tahimik ang kampo ng mga inakusahan.  (HNT)

About hataw tabloid

Check Also

electricity meralco

Ex-BM kumasa
GOV. SUAREZ, P4-M UTANG SA ELECTRIC COOP ‘DI BINABAYARAN

TINULIGSA ng isang dating Quezon 4th district board member si Gov. Danilo Suarez sa pag-iwas …

Pasay City Mayor Emi Calixto Rubiano, DILG, DOH, MMDA turnover ceremony of home care kits feat

Pasay City Mayor Emi Calixto Rubiano, DILG, DOH, MMDA turnover ceremony of home care kits

PINANGUNAHAN ni Pasay City Mayor Emi Calixto Rubiano, kasama ang mga opisyal ng Department of …

Pitmaster Foundation

Pitmaster Foundation muling namahagi ng P20-M homecare kits

MULING namahagi ang Pitmaster Foundation ang P20 milyong halaga ng homecare kits sa 17 local …

Manny Villar ABS-CBN

Broadcast frequencies ng ABS-CBN, ‘nasulot’ ni Villar

MALABO nang mabawi ng ABS-CBN ang kanilang prankisa sa susunod na administrasyon dahil ibinigay na …

Duterte, ‘maritess’ na pangulo — netizens

BUKOD sa tawag na lameduck, tinaguriang ‘Marites’ o taong mahilig sa tsismis si outgoing President …