Friday , March 29 2024
PANGIL ni Tracy Cabrera

Ginapang na kontrata, pinalusot sa ilalim ng ilong ni Briones

PANGIL
Tracy Cabrera
Education sector corruption erodes social trust, worsens inequality, and sabotages development.
— Anonymous
 
NALUSUTAN nga kaya ang ating butihing kalihim ng edukasyon o baka naman nabukulan?
 
Ito ang naitanong matapos mapabalitang may ilang alipores si Secretary Leonor Briones na nagpalusot ng mahigit isang bilyong pisong kontrata na ibinigay sa isang pipitsuging kompanya para sa paggawa ng learning module na gagamitin ng mga estudyante para sa school year 2021-2022.
 
Kung ako ang tatanungin, mukhang may katotohanan ang balita dahil nakita kong pipitsugin din ang ginagamit na mga module ng anak ko. Buklod dito, malaki ang posibilidad nito dahil naalala n’yo pa ba iyong lumabas na ilang mga pagkakamali sa mga materyales na nilimbag sa nakalipas para sa online o distance learning ng ating mga estudyante?
 
Ang totoo, may umaming DepEd insider at ating impormante na iginawad sa pipitsuging JC Palabay Enterprises ang tinutukoy nating kontrata at sa kabila ito na depektibo umano ang mga dokumentong isinumite ng kompanya sa Department of Education dahil sa pakikialam ng isang kongresistang nag-aambisyong maging Senador.
 
Batay sa dokumentong isinumite, ang JC Palabay Enterprises ay mayroong napakalinggit na net financial contracting capacity (NFCC) na hindi man lang umabot sa P100 milyon, pero kahit ganito ang kapasidad nito ay nakuha pa rin nito ang P1.1 bilyong halaga ng kontrata para sa third at fourth quarter ng papasok na school year.
 
Pagtatapat ng isang kawani ng kagawaran, nakuha aniyang palabasing kalipikado ang JC Palabay Enterprises gamit ang pinalobong NFCC at audited financial statement (AFS) na nagsasabing mayroon na itong P1.99 bilyon.
 
Anito, isang kongresista ang gumapang para makuha ng JC Palabay Enterprises ang nasabing kontrata sa kondisyong ipapasok ang kanyang pangalan sa mga kandidatong susuportahan ng ‘kapatiran’ para sa halalan sa susunod na taon.
 
Dagdag ng impormanteng kasalukuyang kawani ng DepEd, bahagi ng kanyang tungkulin ang magrebisa ng mga dokumentong isinusumite ng mga nagnanais lumahok sa bidding para sa mga kontrata ng mga proyekto sa nasabing ahensiya, matagal nang panahong sumasali sa bidding ang JC Palabay Enterprises ngunit hindi nananalo dahil hindi nga ito kalipikado, batay na rin sa kapasidad ng nasabing kompanya.
 
* * *
 
PARA sa inyong komento o suhestiyon, reklamo o kahilingan, magpadala ng mensahe o impormasyon sa email na [email protected] o i-text sa cellphone numbers na 09054292382 para sa Globe at 09391252568 para sa Smart. Salamat po!
 
 

About Tracy Cabrera

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *