Saturday , October 1 2022

Konstitusyon ‘tsinutsubibo’ ng kampo ni Duterte (Poder hindi bibitiwan)

ni ROSE NOVENARIO
 
PARA sa political analyst na si Atty. Tony La Viña, walang malalabag na probisyon sa Saligang Batas sakaling kumandidatong bise presidente si Pangulong Rodrigo Duterte sa 2022.
 
Aniya, ginawa ito ng dalawang dating Pangulo ng bansa.
 
Unang nangyari ito, nang kumandidatong kongresista si Gloria Macapagal-Arroyo para sa May 2010 elections bilang papaalis na Punong Ehekutibo; at Joseph Estrada na naging Manila mayoralty bet noong 2013 elections, 12 taon matapos patalsikin sa Malacañang ng People Power 2 Revolution.
 
Binigyan diin ni La Viña sa panayam sa News5, ibang usapan na, kapag nanalong VP si Duterte, at biglang bumaba sa puwesto ang nagwaging Pangulo kapag nagkasakit o hindi na kayang gampanan ang kanyang tungkulin.
 
Ayon kay Dennis Coronacion, isa rin political analyst, ang tinitingnan nilang probisyon sa Saligang Batas ay ang restriksiyon na kapag naging presidente na ay puwede pa bang maging presidente ulit?
 
“Ang sabi kasi sa Konstitusyon, once ka lang puwedeng maging president,” aniya sa News5 kahapon.
 
Sinabi ni Sen. Christopher “Bong” Go, mangyayari lamang ang VP bid ni Duterte kapag ‘kasamahan’ niya ang maging Pangulo.
 
“Importante po rito ay kasamahan niya, kasundo niya,” ani Go.
 
Si Go ay long-time aide ni Pangulong Duterte, miyembro ng PDP-Laban at isa sa mga lumutang ang pangalan na posibleng maging presidential bet ng administrasyon bukod kay presidential daughter at Davao City Mayor Sara Duterte.

About Rose Novenario

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply