Tuesday , September 27 2022

3, 200 pasaway walang suot na facemasks, face shields huli sa ‘one time, big time’ ops sa QC

UMABOT sa 3,200 violators sa health protocols ang nadakma sa pinagsanib na one-time, big-time operations ng mga operatiba ng Department of Public Order and Safety (DPOS), Quezon City Police District (QCPD), Task Force on Transport and Traffic Management, Task Force Disiplina, at Market Development and Administration Department sa Quezon City, nitong Miyerkoles ng tanghali.
 
Sa report, isinagawa ang operasyon sa 142 barangays, at ang mga naaresto ay dinala sa Quezon Memorial Circle para sa dokumentasyon at tinuruan kung paano susundin ang ipinatutupad na ordinansa sa minimum health protocols ng GC LGU.
 
Bukod dito, inisyuhan din ang mga nadakip ng Ordinance Violation Receipts (OVR) na may katumbas na penalty na P300, P500, at P1,000 para sa una, ikalawa at ikatlong paglabag.
 
Ang violators ay kailangang magbayad sa itinakdang petsa, at kapag nabigo ay sasampahan ng kaso sa City Prosecutors Office.
 
Sinabi ni DPOS head ret. Gen. Elmo San Diego, tiniyak na ligtas ang kanilang operasyon at ang mga naarestong may sintomas ng ubo, sipon, nilalagnat at nahihirapan sa paghinga ay isinailalim sa swab testing, habang ang iba naman ay binigyan ng facemasks at face shields.
 
“Ginawa na natin itong ‘One Time Big Time’ noong nakaraang buwan, at gagawin pa rin natin ngayon. Hindi tayo titigil hangga’t marami pang pasaway na hindi sumusunod sa ating local ordinances on health protocols,” paliwanag ng DPOS chief.
 
“Ikinasa itong One Time Big Time operations sapagkat marami pa rin ang hindi sumusunod sa health protocols. Gayonman, ipatutupad pa rin natin ang maximum tolerance at ang mga mahuhuling lumabag ay bibigyan ng ticket,” ayon kay Mayor Joy Belmonte.
 
Kamakailan, namahagi ang QC LGU ng 1.2M facemasks at 300k face shields sa indigent residents na layuning maiwasan ang mga paglabag sa ipinatutupad na mga ordinansa sa lungsod. (ALMAR DANGUILAN)

About Almar Danguilan

Check Also

Tanya emosyonal — Bumabawi si Vhong sa akin

I-FLEXni Jun Nardo MALIGAYA nang nagsasama ang aktor na si Vhong Navarro at asawang si Tanya Bautista-Navarro nang muling …

Blind Item, excited man

Male starlet marami ang natatanso kahit buking ang pagiging beki

ni Ed de Leon “BAKLA naman po siya talaga, pero marami ngang natanso dahil pogi …

Vhong Navarro Deniece Cornejo

Vhong aapela hanggang SC; Deniece magpapakatatag

HATAWANni Ed de Leon HANGGANG Korte Suprema ay nakahandang umapela ang legal team ni Vhong Navarro kung …

Ryza Cenon

Ryza tinalakan ang Maynilad (Water bill umabot ngP120k) 

MATABILni John Fontanilla SUPER shock si Ryza Cenon nang bumulaga sa kanya ang bill niya sa tubig …

Vhong Navarro Atty Alma Mallonga

Abogado ni Vhong nanindigan: ‘Di totoo ang bintang na rape

MA at PAni Rommel Placente SA panayam pa rin ng PEP.ph sa legal counsel ni Vhong Navarro na si Atty. …

Leave a Reply