Friday , October 22 2021

Rice farmers sinanay sa pagpapalakas ng rice production

LIBO-LIBONG mag­sasa­kang nagtatanim ng palay ang nakinabang nang sumailalim sa pagsasanay at naabot ng information campaign na ipinapatupad ng Rice Competitiveness Extension Fund-Rice Extension Services Program (RCEF-RESP) mula nang lagdaan ang Rice Tariffication Law noong 2019.

Ayon kay Karen Eloisa Barroga, vice-chair ng Technical Working Group ng RCEF-RESP, mas maraming magsasaka at trainers ang naturuan ng extension services.

Ngayong 2021, titiyakin ng ahensiya na palalawakin ang mga inisyatibo upang bigyan ang mga mag­sasakang Filipino ng tamang impormasyon ukol sa mga pamamaraan at teknolo­hiyang makapag­pababa ng gastusin at makapagpataas ng ani ng palay.

Sa ilalim ng RCEF-RESP, tinatayang 1,600 magsasaka ang dumaan sa pagsasanay sa iba’t ibang rehiyon ng bansa sa rice crop production, modern rice farming techniques, seed production, at farm mechanization.

Kabilang sa trainees ang mga magsasaka, mga may-ari ng sakahan, mga tauhan nila, at mga empleyado ng pamahalaan mula ATI, TESDA, at mga provincial agricultural offices.

Nabatid, apat na klase ng pagsasanay ang ipinatupad alinsunod sa layuning tumaas ang ani at kita ng rice farmers.

Para sa Philippine Rice Research Institute (PhilRice), kabilang sa mga pagsasanay ang Rice Specialists’ Training Course, Training of Trainers, Farmers Field Schools, at seminars o field days.

Kaakibat ng PhilRice ang Agriculture Training Institute (ATI) at Philippine Center for Postharvest Development and Mechanization (PHilMech) sa ilalim ng Department of Agriculture (DA) at ang Technical Education and Skills Development Authority (TESDA) sa pagpapatupad ng mga nasabing training.

Dahil nagmumula ang mga trainee sa iba’t ibang probinsiya, nagkaroon ng mga pagbabago sa metodolohiya ang mga pagsasanay alinsunod sa health protocols na ipinataw dahil sa pandemya.

Upang mas maikalat ang makabagong mga teknolohiya’t gawi na angkop sa rice farming, mahigit tatlong milyong materyales tulad ng leaflets, posters, flipcharts, handouts, flash cards, technology calendars, at videos ang ipinamigay ng DA – PhilRice sa mga magsasaka at iba pang stakeholders.

Habang sa social media, mahigit tatlong milyong engagements ang nakalap ng PhilRice sa mga posts nito ukol sa modernized rice production.

Sa pag-aaral ng DA-PhilRice, 97 porsiyento ng 3,500 rice farmers na tumanggap ng leaflets at nanood ng videos ukol sa seed distribution ang nagsabing nakatulong ang nasabing mga materyal sa paglawak ng kanilang kaalaman sa rice production.

Ayon kay Barroga, mas tutuunan ng pansin ng RCEF-RESP ang mga paksa tulad ng land levelling, crop establishment, nutrient management, at pest management sa susunod na mga buwan upang mas umunlad ang sektor ng rice farming sa bansa.

(BONG SON)

About Bong Ramos

Check Also

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

6K paniki nasabat sa 4 lalaki (Sa San Miguel, Bulacan)

Sa San Miguel, Bulacan
6K PANIKI NASABAT SA 4 LALAKI

INARESTO ng pulisya ang apat na lalaking nahulihan ng mahigit 6,000 wrinkle-lipped bats o paniki …

dead gun police

Sa Negros Occidental
KABIBIYUDANG EMPLEYADO NG CITY HALL TODAS SA BOGA NG TANDEM

ISANG bagong biyudang empleyado ng city hall ang namatay nang barilin ng dalawang hindi kilalang …

Leave a Reply