NO-SHOW si Communications Secretary Martin Andanar sa inagurasyon ng P700-M Mindanao Media Hub facility sa Davao City kahapon na pinangunahan ni Mayor Sara Duterte-Carpio.
Napag-alaman sa source, ang alam ng lahat ay nasa Davao City si Andanar noon pang isang araw kaya nagulat sila nang hindi siya sumipot sa mismong araw ng inagurasyon.
Nabatid, isang video message ang ipinadala ni Andanar para sa inauguration program.
Nagulat umano ang ilang taga-Davao City dahil kahit nasa siyudad na ang Kalihim ay nakatanggap sila ng impormasyon na naghahanap siya ng masasakyang chopper o eroplano para magpunta sa Tacloban, Leyte upang dumalo sa nakatakdang presidential event doon.
“Ipinagmamalaki niya ang proyektong ito bilang legacy ng Duterte administration pero ang mismong inagurasyon ay kanyang inindiyan,” sabi ng source.
(ROSE NOVENARIO)
