Saturday , November 27 2021

‘Social distancing’ nilabag… Tupada sinakote, 5 katao kalaboso

SA MASIKIP at mainit na preso magdaraos ng self quarantine ang limang lalaki matapos maaresto nang salakayin ng Manila Police District (MPD) ang ilegal na tupada sa Parola Compound, Tondo, Maynila.

Ayon kay MPD Station 2 commander, P/Lt. Col. Magno Gallora, Jr., nadakip ang mga suspek na sina Jose Gerry Quilator, 48 anyos; Reynaldo Francisco, 43; Gijainquit Bacordo, 49; Arnel Ganab, 35; at Sofronio Orquino, 49.

Nabatid, sa pagpapatupad ng enhanced community quarantine, naispatan ng mga pulis ang nagkukumpulang lalaki na nagpupustahan sa tupada.

Kasunod nito, mabilis na pinalibutan ang mga nagpupustahan saka dinakma ng mga pulis ang naglalaban na manok at dinakip ang mga susepek na sugarol.

Kamakailan, mahigpit na ipinagbawal ni PNP Chief, General Archie Gamboa ang lahat ng klase ng ilegal na sugal sa bansa kasabay ng deklarasyon na One Strike at No Take Policy.

Nagbanta ang chief PNP na sisibakin ang opisyal na lalabag sa nasabing direktiba, bagay na mahigpit na sinusunod at ipinatutupad ng MPD sa kabila ng mga pasaway na nagpasugal sa nasbaing area.

Kasong paglabag sa PD 1602, kilala bilang illegal gambling (cockpit), ang isinampa laban sa mga suspek.
(BRIAN BILASANO)

About Brian Bilasano

Check Also

Jeffrey Hidalgo Angeli Khang

Jeffrey Hidalgo sumabak na rin sa pagdidirehe ng bold

FACT SHEETni Reggee Bonoan SPEECHLESS kami sa trailer ng bagong erotic drama movie ng Viva …

P251-K bato kompiskado HVT sa Pasig arestado

NASAKOTE ng mga awtoridad ang 33-anyos lalaki, pangsiyam sa high value targets (HVT), sa ikinasang …

Sa Bulacan
24 LAW OFFENDERS DERETSO SA HOYO

ARESTADO ang 24 katao, pawang lumabag sa batas, sa iba’t ibang operasyon na inilatag ng …

Alitangya sumalakay sa Pampanga

NAITALA sa ilang lugar sa lalawigan ng Pampanga ang pananalasa ng rice black bug o …

PCSO STL PNP NBI

Ayuda sa NBI, PNP
P52.2-M PCSO STL SALES INILAAN SA HEALTHCARE

NANAWAGAN ang Philippine Charity Sweepstakes Office (PCSO) sa Philippine National Police (PNP) at National Bureau …

Leave a Reply