Tuesday , July 16 2024

Allen Dizon, tampok sa Cinemalaya entry na Lando at Bugoy

00 Alam mo na NonieSUKI na ang award-winning actor na si Allen Dizon sa iba’t ibang film festivals sa ating bansa. Actually, pati sa mga filmfest sa abroad ay madalas din na pumapasok ang mga movie ni Allen. Sa ginaganap na 12th Cinemalaya Independent Film Festival ngayon ay may entry ulit si Allen, ang Lando at Bugoy.

Pang-ilang entry na niya ito sa Cinemalaya?

“Pang-apat na yata itong Cinemalaya ko. Actually yung pang-competition mga apat…, mga ganoon. Iyong last ko ay Children Show, tapos yung Sigwa, Patikul at ngayon, etong Lando at Bugoy,” saad ni Allen.

Inusisa rin namin siya ukol sa pelikulang ito na sinulat at pinamahalaan ni Vic Acedillo na tinatampukan din nina Gold Aceron, Roger Gonzales, Rachel Anne Ang Rosello, Maricar Semitara, Carlos Penaloza, Benjie Criss Estrella, at iba pa.

“Ito’y very inspiring na pelikula, kasi unang-una, tungkol ito sa education. Kung gano kaimportante yung edukasyon sa mga bata at sa mga magulang na katulad ko. Dito kasi sa Lando at Bugoy hindi ako nakapag-aral dito. Kaya sinamahan ko yung anak ko, kaming dalawa yung nag-aral, sabay kami… nakatapos naman ako, nakatapos kami.

“Noong una ay hindi kami nagkasundo dahil matigas ang ulo ni Bugoy, kaya Bugoy yung tawag sa kanya dahil pasaway. So sa istorya, kahit dalawa na lang kami, kahit wala siyang ina dahil namatay ang asawa ko rito, nabuhay ko siya bilang isang mabuting anak at naituwid ko ang mga landas para malayo siya sa mga bisyo, maitama niya lahat ng pagkakamali niya at nakapag-aral siya nang maayos.”

Binanggit din ni Allen kung gaano siya kasaya sa mga project at role na ginagawa.

“Ako naman talagang love ko ang indie films, ang paggawa ng pelikula. Natutuwa nga ako na at least, maraming nagpo-produce ng pelikula at kino-consider ako sa iba’t ibang klase ng role. Na kinukuha ako ng baguhang director, ng batikang director, kinukuha ako, na laging always welcome ako kahit saan,” wika ng actor.

Dagdag pa niya, “Oo naman challenge sa akin iyon, lahat naman ng ginagawa ko ay may challenge. Gusto ko na lahat ng ginagawa ko ay puwede kong ipagmalaki kahit kanino. The more na mas mahirap iyong role, the more na mas nacha-challenge ako at the more na mas pagbubutihan ko.”

ALAM MO NA! – Nonie V. Nicasio

About Nonie Nicasio

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

Blind Item, Matinee Idol, Mystery Man

Male Starlet walang maipagmalaking project kahit nakakontrata sa isang kompanya

ni Ed de Leon ANG bagay nga sigurong project para sa isang male starlet ay “Bata. Bata …

James Reid Issa Pressman

James Reid lipas na, inulan ng panlalait sa internet 

HATAWANni Ed de Leon KAWAWA rin naman si James Reid kung noong panahon ng kanyang kasikatan ay …

cyber libel Computer Posas Court

Batas laban sa Cyber Crime malabnaw

HATAWANni Ed de Leon NATAWAG ang aming pansin sa isang video na napanood sa programa …

James Reid Liza Soberano

James inihayag Liza maraming nakalinyang projects

MA at PAni Rommel Placente MALAKI raw ang posibilidad na gumawa ng pelikula sina James Reid at …

Leave a Reply

Your email address will not be published. Required fields are marked *