This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang 47-anyos motorcycle rider makaraang sumalpok ang minamaneho niyang motorsiklo sa isang pampasaherong jeep sa kasagsagan ng bagyong Lando kamakalawa ng gabi sa Malabon City.
Agad binawian ng buhay ang biktimang si Resty Cruz Jr., residente ng 196 Gen. Luna St., Brgy. Ibaba ng nasabing lungsod.
Habang agad naaresto ang suspek si Rustan Ganao, 30, residente ng 238 Hernandez St., Brgy. Catmon ng nasabing lungsod, nahaharap sa kasong kasong reckless imprudence resulting in homicide.
Batay sa ulat ni SPO2 Francisco Verzosa, naganap ang insidente dakong 7:50 p.m. kahabaan ng Governor Pascual St., Brgy. Catmon.
Tinatahak ng biktima ang naturang lugar habang lulan ng kanyang Suzuki Skydrive (1410-QX) nang makabanggaan ang pampasaherong jeep (TWS-417) na biyaheng Malabon-Monumento dahil madulas ang kalsada dulot ng bagyong Lando.
Tumilapon ng ilang metro ang biktima na naging dahilan ng agaran niyang kamatayan habang sumuko sa mga awtoridad ang driver ng pampasaherong jeep.
