NALUNOD ang isang 17-anyos dalagitang estudyante makaraan tangayin nang malaking alon habang nagpapakuha ng larawan sa tabing dagat kasama ng kanyang mga kaklase nitong Linggo sa Brgy. Masikil, Bangui, Ilocos Norte.
Sa imbestigasyon ng pulisya, nagkayayaang pumunta sa tabing dagat ang pitong magkakaklase kabilang ang biktimang si Cheska Agas para magpakuha ng larawan.
Habang naggo-’groupie’ humampas sa kanila ang malaking alon at sila ay tinangay.
Agad nagresponde ang mga residenteng malapit sa dagat ngunit hindi nailigtas si Agas.
Samantala, inoobserbahan ang isa pang estudyante na muntik din malunod.
(BETH JULIAN)
