3 tigok sa NPA vs gov’t troops sa Atimonan

TATLO ang patay makaraan maka-enkwentro ng mga sundalo ang mga miyembro ng New People’s Army (NPA) sa Atimonan, Quezon kamakalawa. 

Sinabi ni 201st Infantry Brigade Commander Colonel Rhoderick Parayno, kabilang sa mga napatay ang isang sundalo, isang sibilyan, at isang miyembro ng NPA. 

Habang sugatan ang apat na sundalo gayondin ang ilang miyembro ng NPA na hindi nabatid ang bilang. 

Ayon kay Parayno, nagpapatrolya ang mga sundalo sa lugar na planong tayuan ng coal plant nang umatake ang mga rebelde at mauwi sa dalawang oras na enkwentro.

Dagdag ng opisyal, napaalis na ang mga rebelde sa lugar may dalawang taon na ang nakararaan ngunit nagsasagawa ngayon ng recovery effort ang NPA para makapangikil sa itatayong bagong planta.