Jobless pinagalitan ng ina nagbigti

NAGA CITY – Nagbigti ang isang 25-anyos lalaki makaraan pagalitan ng ina dahil walang trabaho sa Brgy. Dagatan, Dolores, Quezon kamakalawa.

Kinilala ang biktimang si Rejane Villaflor, 25-anyos.

Natagpuan na lamang ng bayaw ni Villaflor na si Jayson Atienza ang biktima habang nakabigti gamit ang isang lubid.

Agad isinugod sa ospital ang biktima ngunit idineklarang dead on arrival ng mga doktor.

Samantala, sa inisyal na imbetigasyon ng mga awtoridad, bago nangyari ang insidente, galing sa isang inoman ang biktima kasama ang kanyang mga kaibigan.

Sinasabing laging napapagalitan ng ina si Villaflor dahil sa kawalan ng trabaho.

Patuloy ang imbestigasyon ng mga awtoridad sa insidente.