Kampo ni Ruby Tuason  inisyuhan ng gag order ng Sandiganbayan

INISYUHAN ng gag order ng Sandiganbayan 5th division ang kampo ng pork barrel scam witness na si Ruby Tuason.

Ayon sa mga mahistrado, hindi maaaring magsalita ang panig ni Tuason sa media lalo na kung tungkol sa dinidinig na kaso ni Sen. Jinggoy Estrada ang pag-uusapan.

Una rito, lumabas ang magkakasalungat na pahayag ng abogado ng pork scam witness, bagay na hindi nagustuhan ng anti-graft justices.

Kahapon ay muling sumalang sa witness stand si Tuason para sa bail hearing ni Sen. Estrada.