HATAW! D'yaryo ng Bayan hatawtabloid.com
NAGA CITY – Problema sa pera ang tinitingnang dahilan ng mga awtoridad kung bakit nagpakamatay ang isang estudyante sa Sitio Judith, Brgy. Poblacion, Polillo, Quezon kamakalawa.
Kinilala ang biktima na si Jhoemary Azaula, 19 anyos.
Natagpuan na lamang ng ama ng biktima ang katawan ng binatilyo habang nakabigti sa kisame ng kanilang bahay.
Ayon sa ama, isa sa pinaniniwalaan nilang dahilan ay posibleng nagkahiwalay ang biktima at ang girlfriend niya na nag-aaral sa Maynila dahil wala silang problema sa pamilya.
Ngunit ayon sa pahayag ng mga kaibigan ni Azaula, bago mangyari ang insidente, nasabi sa kanila ng biktima na mas mabuti pang pumunta na lang siya sa Maynila para magtrabaho kung hindi naman siya makapag-aaral.
