Empleyado ng telco pinugutan ng ulo

ZAMBOANGA CITY – Patuloy na inaalam ng mga awtoridad ang motibo sa pagpugot sa ulo ng isang empleyado ng telecommunications company sa Sitio Taguime, Tuburan Proper, sa bayan ng Mohammad Ajul sa lalawigan ng Basilan nitong nakaraang linggo.

Kinilala ng Basilan Police Provincial Office ang biktimang si Jakri Targi, 20-anyos, residente ng Brgy. Tuburan Wastong, Mohammad Ajul, Basilan.

Ayon sa imbestigasyon ng mga awtoridad, pupunta sana ang biktima sa isang site ng cellular ng Globe Telecom nang biglang harangin at pugutan ng ulo ng grupo ng armadong kalalakihan.