Anti-drug chief, new PNP spokesperson

MAY bago na namang tagapagsalita ang Philippine National Police (PNP). 

Pormal nang iniluklok si Senior Superintendent Bartolome Tobias bilang officer-in-charge ng Public Information Office (PIO) ng PNP. 

Bukod sa pagiging spokesperson, tatayo rin siyang publicist ng pulisya. 

Pinalitan ni Tobias si Chief Superintendent Generoso Cerbo Jr. na iniakyat sa PNP Directorial Staff bilang officer-in-charge ng Directorate for Intelligence. 

Bago ang paglipat sa PNP-PIO, dalawang taon nanungkulan si Tobias bilang commander ng Anti-Illegal Drug Special Operations Task Force (AID-SOTF). 

Bahagi ang opisyal ng Philippine Military Academy (PMA) Class Sandiwa ng 1985.