HATAW! D'yaryo ng Bayan hatawtabloid.com
Isumbong mo
kay DRAGON LADY
ni Amor Virata
AMINADO si Comelec Spokesman James Jimenez na mistulang pinaglalaruan ng mga kandidato ang sistemang ‘substitution’ sa ilalim ng Omnibus Election Code na puwedeng baguhin ng Kongreso para hindi na umiral pa ang ganitong sistema.
Ayon kay Jimenez, dapat na itong busisiin ng Kamara dahil mistula itong isang laro para pakiramdaman ang reaksiyon ng isang kalaban at lituhin ang taongbayan. Marami ang hindi pabor sa ganitong sistema na ang unang gumawa ay ang kampo ni Pangulong Rodrigo Duterte.
Meron pa ngang usapan, ‘di ko lang tiyak kung may katotohanan, na pakawala lamang si Manila Mayor Isko Moreno, Senator Ping Lacson at Manny Pacquiao ng Duterte camp upang basagin at lituhin ang mga botante ni VP Leni Robredo, dahil ang Luzon ang may pinakamalaking boto habang si Pacquiao ay sa Mindanao at si Senator Lacson ay sa bahaging Calabarzon. How true?
Sa social media nagsisimula ang mga fake news at may matatapang na accounts na nagpo-post at nakikipagdebate sa mga negatibong post sa wall. Nakaaalarma ito at higit sa lahat nakahihiya sa mga taga-ibang bansa na nakikita at nababasa ang magulong kampanyahan sa ating bansa. Simula pa lang ‘yan, sana huwag maging madugo!
CALIXTO TEAM PA RIN SA PASAY
Sa listahan ng mga tatakbong alkalde at bise sa lungsod ng Pasay, ‘matik na walang tatalo sa team Calixto dahil walang binatbat ang mga kalaban. No need to mention ang mga pangalan baka sagasaan ako! Emi Calixto pa rin sa pagka-Mayor at Tony Calixto for Congressman
Mahirap talunin si Mayora Emi dahil personal siyang nakikita at nakakamayan. Mas matagal ang inilalagi sa kalsada para makita ang mga nangangailangan ng kanyang serbisyo, kaysa magkulong sa kanyang opisina. Mga imbitasyon ng mga residente, ng barangay hindi puwedeng hindi puntahan ng mayora, dahil gusto niyang suklian ang tiwala at suporta na ipinagkatiwala sa kanya ng mga taga-Pasay.
Kung mayroong babaeng walang pahinga, ‘yan si Emi Calixto-Rubiano. Idagdag pa natin ang kanyang bise alkalde na si Boyet del Rosario na kaibigan ng lahat. Hindi pa man politiko, mahusay sa pakikisama. Sa mga konsehal, si Joey Calixto Isidro masipag at mahusay ang PR, si Edith Manguerra na kada linggo, araw ng Biyernes ay may FB live streaming na namamahagi ng mga papremyo.
Sila ‘yung mga politikong gumagastos para tumulong kahit lampas pa sa kanilang suweldo. Sabi nga abono pa sa kagustuhang makatulong. Hindi rin pahuhuli si Councilor Moti Arceo na nasa huling termino, at ang anak niyang lalaki ang hahalili upang maipagpatuloy ang paglilingkod sa lungsod ng Pasay. Si konsehala Donna Vendivel, na mas kilala sa programang libreng kabaong at serbisyo sa mga namatayan ng mga mahal sa buhay at sa ibang programang pang-medical. Si Konsehala Tonya Cuneta, na sa kabila ng maraming pagsubok na dumating sa buhay, bukas pa rin ang mga palad at handang tumulong sa mga kapos-palad.
Suwerte ang mga taga-Pasay dahil ang team Calixto ay may pagkakaisa, walang bangayan, ‘yan dapat ang iboto natin ang nagkakaisa para matupad ang mga programa na ang makikinabang ay mga taga- Pasay.
