HATAW! D'yaryo ng Bayan hatawtabloid.com
NAGBIBIRO lang ba ang Viva Entertainment Group sa banta nilang idedemanda si Nadine Lustre sa ano mang kompanya na kukuha sa kanya para sa isang professional involvement?
Kung saan-saan na naglalabasan ang litrato nina Nadine at Alden Richards bilang endorser ng contest na Century Tuna Superbods 2020 pero wala naman tayong nababalitaan na may ginawa nang legal action ang Viva Group kaugnay ng endorsement job na ‘yon ng aktres na mag-isang nagpahayag na tinapos na nito ang management contract sa Viva Artists Agency.
Pati naman ang mga law office na nagre-represent sa dalawang panig (Nadine at Viva) ay wala ring pahayag tungkol sa pagiging Century Tuna endorser ni Nadine.
Kaya pala ganoon ay matagal nang kontrata ito ni Nadine na napirmahan sa Viva. Naguguluhan lang kami na sinabi kasi noon ng aktres na hindi na siya gagawa ng anumang project mula sa Viva. Siyempre kapag ganoon, kailangang ng mag-react ng legal team ng Viva dahil sila nga ang nag-announce ng paninindigan nila na epektibo pa ang exclusive management contract ni Nadine.
KITANG-KITA KO
ni Danny Vibas
