Saturday , January 28 2023
Jak Roberto Rita Daniela Joel Lamangan Albie Casiño

Joel Lamangan balik sa pelikulang walang hubaran

KITANG-KITA KO!
ni Danny Vibas

GOOD news! Binasag na ni Joel Lamangan ang reputasyon n’yang na-develop ngayong pandemya  bilang direktor ng mga pelikulang matindi ang appeal sa mga bading at ‘di-bading na laging sabik na makita kahit ilang sandali ang pinaka-pribadong bahagi ng katawan ng mga lalaki. 

Halos magkakabuntot ang pagdidirehe niya ng mga mapangahas na pelikula gaya ng Lockdown, Anak ng Macho Dancer, Silab, Moonlight Butterfly, at Walker.

“Pambata ang bagong pelikulang ginagawa ni Direk Joel Lamangan sa Pampanga, ang ‘Madawag Ang Landas Patungong Pag-asa.’ bungad ng kaibigang Jerry Olea sa ulat n’ya sa entertainment website na PEP.ph.

Pangunahing bituin sa pelikula si Rita Daniela bilang isang guro na napadpad sa isang liblib na bayan, na ang mga bata ay tatlong taon nang natigil sa pag-aaral.

Nagka-engkuwentro kasi roon ang mga rebelde at militar, at ang mga bata ay nagtatrabaho na sa online gaming.

Pambata ang pelikula pero hindi ang titulo. Maiintindihan kaya ng mga bata ang salitang “madawag?” 

Eh ang buong titulo kaya na Madawag Ang Landas Patungong Pag-asa naiintindihan man lang ng magiging adult viewers ng pelikula?

Kung tunog “madamo” sa inyo, ang  “madawag,” malapit-lapit na ‘yon na kahulugan ng “madawag.” Basta, hindi madaling pasukin at bagtasin (o sundan) ang madawag na daan. 

“Hindi maiintindihan,” pag-amin ni Direk Joel sa storycon ng pelikula noong Disyembre 3, ayon kay katotong Jerry. 

Paliwanag ni Direk Joel tungkol sa pelikula: “Kaya nga kailangan ng magulang, pampadami ng audience. Ang mga magulang ang magpapaliwanag sa bata.”

Patuloy niya, “Madawag, ano ba ‘yun? Ano ba ‘yung pinag-uusapan na ‘yan? Ano raw ‘yun? Eh, ‘di, pag-uusapan nila. 

“Ito ay isang uri ng pelikula na pag-iisipan ng mga manonood kung ano ba ang nais nating sabihin.”

‘Di naman siya nanibago sa paggawa ng pambatang pelikula. 

“Aba, mapangahas din ito! Kaya lang, hindi naghuhubad ang mapangahas dito!” bulalas na pagtutuwid ni Direk Joel.

“Ang mapangahas dito ay ang topic nito tungkol sa edukasyon ng mga kabataan. Iyon!

“Hindi naman mapangahas na kailangang magpakita ng puwet. Magpakita ng poklay. Hindi naman iyon ang kapangahasan lang.

“Maraming uri ng kapangahasan na dapat nating ipakita.Kapangahasan ng istorya. Ito ay isang uri ng pelikula na pag-iisipan ng mga manonood kung ano ba ang nais nating sabihin.”

Sina Jak Roberto at Albie Casiño ang leading men ni Rita sa pelikula.

Mapauso sana uli ni Direk Joel ang mga pelikulang mapangahas sa kakaibang paraan.

About Danny Vibas

Check Also

Richard Yap Jodi Sta Maria Gabbi Garcia Joshua Garcia

Netizens wagi sa ABS-CBN, GMA, VIU collab

RATED Rni Rommel Gonzales PAYANIG ngayong 2023 ang groundbreaking series na Unbreak My Heart dahil nagsanib-puwersa ang GMA, ABS-CBN, …

Marian Rivera Boy Abunda

Marian pasabog ang mga sagot kay Kuya Boy; feeling sexy ‘pag hinahalikan ni Dong sa paa

RATED Rni Rommel Gonzales NAKAAALIW at pasabog ang mga sagot ni Marian Rivera kay Boy Abunda sa first episode …

Alden Richards Boy Abunda Julie Anne San Jose Julie Anne San Jose

Alden inamin kay Kuya Boy, Winwyn at Julie Anne niligawan

I-FLEXni Jun Nardo NAPIGA ni Boy Abunda si Alden Richards para magsalita tungkol sa artistang pinormahan nang mag-guest siya …

Ara Mina

Sa sunod-sunod na trabaho
ARA MINA AYAW MUNA MAGBUNTIS

I-FLEXni Jun Nardo TIME out muna si Ara Mina sa pagbubuntis this year. Eh nagdatingan kay Ara …

Spa Massage

Spa ginagamit para ibugaw mga starlet at indie stars

ni Ed de Leon AKTIBO na naman umano ang mga showbiz pimps. May isang showbiz pimp na …