Si Comelec officer may death threat

SAPOL nang matalo si Amadeo Incumbent Mayor Benjo Villanueva, sunod-sunod na ang death threat na natatanggap ni Comelec Officer Aniceta Laceda gayong nailipat sa Noveleta, Cavite noong May 9 local elections matapos magsagawa ng revamp ang Comelec nasyonal at muling magsasagawa ng revamp sa June 10. Puwedeng ‘di na bumalik si Laceda sa bayan ng Amadeo at bigyan ng ibang place of assignment.

Ang nakapagtataka lang, bakit si Laceda ay inaakusahan ni Mayor Vilanueva na nakipagsabwatan sa nanalong dating Meyor na si Tic Ambagan gayong ‘di naman si Laceda ang Comelec Officer sa Amadeo?

‘Di pa nakontento si  Meyor Vilanueva, nagsampa ng reklamo sa main office ng Comelec na inakusahang nakipagsabwatan si Laceda sa nanalong Meyor na si Tic Ambagan.

Anong utak meron si Meyor Villanueva? Hindi naman si Laceda ang Comelec Officer sa kanilang  bayan?

Simula noon, sunod-sunod na ang death threat kay Laceda. E sino ang dapat pagbintangan?

Overspendingang Noveleta Mayor

 OVERSPENDING ang akusasyon sa nanalong Meyor sa bayan ng Noveleta Cavite na si Dino Chua.

Talagang mayaman si Chua, napakamatulungin na tao kahit noong bokal sa lalawigan ng Cavite.

Sanay na ang tao na lumapit kay Chua kahit ‘di eleksiyon.

Anong masama sa mag-share ng blessings si Dino Chua? Ang masama ay kung ninakaw ang perang ipinamigay niyang tulong. Wala kasing pera ang mga kalaban ‘di ba Atty. Sta. Maria? Ilang talo ka na ba? Dapat alam mo na ‘pag walang pera, mahirap manalo dahil ang mahihirap na botante, mas nangangailangan ng tulong!

Hindi naman gaya ni dating UNA Gov. ER EJERCITO na overspending sa advertisements.

Tumulong si Dino Chua!