Tuesday , November 29 2022
Dead body, feet

Bangkay ng babae lumutang sa estero

ISANG bangkay ng hindi kilalang babae ang lumutang na hinihinalang ilang araw nang patay sa esterong nag-uugnay sa baybaying dagat Linggo ng tanghali sa Navotas City.

Sa pagsisiyasat ni Navotas police homicide investigator P/Cpl. Florencio Nalus, namamaga na ang mukha at buong katawan ng babaeng tinatayang nasa 5’2 ang taas, nakasuot ng itim na t-shirt at maong na short pants.

Hindi na masyadong makilala ang kaanyuan nang madiskubre ang bangkay na nakalutang nanng pataob sa esterong nag-uugnay sa dalampasigan sa Tambak 1 Brgy. Tanza 2, dakong 11:00 am.

Ayon sa 76-anyos residente sa naturang lugar na si Alberto Santos, palabas siya ng kanilang bahay nang mamataan ang nakasubsob na katawan ng tao sa bahagi ng estero kaya’t kaagad niyang ipinabatid sa kanilang barangay at sa Tanza Police Sub-Station 1.

Nagresponde rin sa lugar ang mga tauhan ng Scene of the Crime Operatives (SOCO) ngunit bigo silang makakuha ng gamit na puwedeng mapagkilanlan sa biktima habang wala isa man sa mga naninirahan doon ang nakakikilala sa babae.

Pansamantalang nasa pangangalaga ng Navotas City Disaster Risk Reduction and Management Office (DRRMO) ang labi ng biktima upang maisailalim sa Libreng Libing Program ng pamahalaang lungsod ng Navotas sa oras na matapos ang isasagawang autopsy examination sa bangkay upang malaman ang dahilan ng kanyang pagkamatay. (ROMMEL SALES)

About Rommel Sales

Check Also

DILG BIDA

24,000+ drug personalities naaresto sa bagong BIDA

INIHAYAG ni Department of the Interior and Local Government (DILG) Secretary Benjamin “Benhur” C. Abalos, …

Bongbong Marcos face mask

Sa FM Jr., admin
PH NASA TAMANG DIREKSIYON — OCTA SURVEY

 MAYORYA ng mga Pinoy ay naniniwala na ang bansa ay patungo sa tamang direksiyon sa …

fire dead

67-anyos Lolo patay nang mabagok habang lumilikas sa sunog

ISANG 67-anyos lolo ang patay nang mabagok habang lumilikas nang masunog ang ilang tahanan sa …

duterte gun

DOH isali sa gov’t anti-drug campaign
HUSTISYA SA BIKTIMA NG EJKs SA DUTERTE DRUG WAR ISINUSULONG

HINDI dapat kalimutang bigyan ng hustisya ang libo-libong biktima ng patayan sa madugong drug war …

112922 Hataw Frontpage

 ‘Intel funds’ sa civilian agencies nais putulin ng Senador

IGINIIT ni Senate Deputy Minority Leader Risa Hontiveros ang posibilidad na amyendahan ang Administrative Code …