Thursday , December 1 2022
arrest prison

Para sa bigas at toma vs Karding
KELOT ‘SUMALIKWAT’ NG BATERYA NG BANGKA NAGHIMAS NG MALAMIG NA REHAS SA NAVOTAS 

SA KULUNGAN sinalubong ng isang 23-anyos na ‘naghanda’ ng bigas at toma sa pagdating ng super typhoon na si Karding matapos nakawin ang baterya ng bangkang pangisda ng kanyang kabarangay sa Navotas City, nitong Linggo ng madaling araw.

Kinilala ang  suspek na si Alexander Pascua, 23 anyos, residente sa M. Ablola St., Brgy. Tangos – South.

Batay sa ulat ni P/SSgt. Joseph Provido kay Navotas  City police chief Col. Dexter Ollaging, dakong 3:00 am nang inspeksiyonin ng complainant na si Madel Del Rosario, 34 anyos, at kanyang mister, ang kanilang fishing boat sa Coastal Dike, Pantay-Pantay St., ng nasabing barangay habang naghahanda sa masamang panahon.

Dito, nadiskubre ng mag-asawa na nawawala na ang baterya ng kanilang fishing boat kaya pumunta sila sa kanilang barangay at ini-report ang insidente.

Sa tulong ng mga tanod na nagsagawa ng pagsisiyasat sa nasabing lugar, natagpuan ang baterya sa saksing si Jerbie Tiozon, 36 anyos, na ibinenta umano sa kanya ng suspek.

Inaresto ng mga tanod ang suspek na nahaharap ngayon sa kasong Theft, habang nabawi ang 6SM 12-volt battery na nasa P6,000 ang halaga.

Sising alipin man ang suspek dahil aniya’y ipinambili niya ng bigas at ang iba ay ipinang-inom, wala siyang magagawa kundi maglamyerda sa preso dahil walang pambayad sa ninakaw na baterya. (ROMMEL SALES)

About Rommel Sales

Check Also

arrest, posas, fingerprints

Wanted sa Bicol nasakote sa Pasig

NADAKIP sa lungsod ng Pasig ang isang 48-anyos lalaking wanted sa kasong pamamaslang sa kanyang …

road accident

Bumangga sa barrier
11 PULIS SUGATAN SA TUMAOB NA PATROL CAR

SUGATAN ang 11 pulis nang sumalpok ang kanilang patrol car sa isang concrete barrier saka …

Bukidnon PPO Police PNP

Sa Bukidon
4 PATAY, 2 PA SUGATAN SA ALITAN SA LUPAIN

PATAY ang apat katao habang sugatan ang dalawang iba pa sa insidente ng barilan at …

dead gun police

Aresto nauwi sa enkuwentro, 2 suspek todas, 2 pulis sugatan,

TODAS ang dalawang miyembro ng isang criminal gang habang naaresto ang apat nilang galamay nang …

paputok firecrackers

Halos isang buwan sa pagtatapos ng 2022
PRESYO NG PAPUTOK PATULOY NA TUMATAAS

MAHIGIT isang buwan bago salubungin ng mga Filipino ang taon 2023 sumirit pa ang presyo …